Тошкент вилояти Ангрен шаҳридан оқиб ўтувчи сойдан 71 ёшли фуқаронинг жасади топилди. Бу ҳақда шаҳар прокуратураси «Дарё»га маълум қилди.
Маълум қилинишича, Р.А. исмли ушбу фуқаронинг жасади 10 январь куни соат 12:15 ларда эски Ангрен ИЭСга қарашли дам олиш масканининг пастки томонидан оқиб ўтувчи сойдан топилган.
Ҳодиса жойига Ангрен шаҳар прокурори ўринбосари, шаҳар прокуратураси катта терговчиси, ИИБ бошлиғи ҳамда тезкор гуруҳ ходимлари етиб борган.
Ҳолат юзасидан судга оид тиббиёт экспертизаси тайинланган бўлиб, дастлабки маълумотларга кўра, Р.А.нинг ўлимига «умумий ташқи муҳитдаги паст ҳарорат таъсирида организмнинг умумий совуқ қотиши, мия ва ўпка шиши, ўткир юрак-қон томир ва нафас етишмовчилиги» сабаб бўлган.
Ҳозирда мазкур ҳолат юзасидан шаҳар прокуратураси томонидан терговга қадар текширув ҳаракатлари олиб борилмоқда.
Аввалроқ Бош прокуратура ғузорлик эркак ўлими ортидан қўшимча текширув бошлангани, Тошкент вилоятида 8 йил олдин бедарак йўқолган қиз жасади топилгани тўғрисида хабар берилганди.
Изоҳ (0)