Бугун,

  • USD 11095.31
  • RUB 173.84
  • EUR 10772.44

Намангандаги президент Шавкат Мирзиёев ташриф буюрган «Бунёдкор» маҳалласи узумчиликка ихтисослаштирилади ва экспорт йўлга қўйилади. Бу ҳақда Янги Наманган тумани ҳокими Жобир Абдуллаев халқ депутатлари туман кенгашининг 5-сессиясидаги мурожаатномасида маълум қилди, дея хабар беради «Дарё» мухбири Азизбек Абдувалиев.

Янги Наманган тумани ҳокими Жобир Абдуллаев.

Янги Наманган тумани ҳокими Жобир Абдуллаев.
Фото: Янги Наманган тумани ҳокимлиги ахборот хизмати

«Табиати, деҳқончилик анъаналари ва аҳоли истагидан келиб чиқиб, туманимиздаги ‘Бунёдкор’, ‘Ёшлик’ ва ‘Мустақилликнинг 5 йиллиги’ маҳаллалари узумчиликка ихтисослаштирилди. Дастлаб Фарғона вилоятидан узум етиштирувчи деҳқонлар таклиф этилиб, маҳаллаларда ушбу йўналишни ривожлантириш бўйича ҳамкорликда иш олиб боришга келишиб олинди. Кейин Фарғона туманининг Оқбулоқ қишлоғига бориб, узумчиликка ихтисослашган фермерлар ва хонадонлар фаолияти билан танишиб келдик. Ҳозирга қадар учта маҳалламиздаги 870 та хонадонда сўриток ўрнатиш ва ҳосилдор узум кўчатлари экиш ишлари амалга оширилди», — деди туман ҳокими.

Фото: Янги Наманган тумани ҳокимлиги ахборот хизмати

Жобир Абдуллаевга кўра, хонадонларда бир сотих ерда узумчилик ташкил этиш учун ўртача 3 миллион сўм сарфланган. Узумларнинг «Ризамат ота», «Дамская палочка», «Асл қора», «Мерседес» каби харидоргир навлари танлаб олинган. Ушбу кўчатлар 3 йилда ҳосилга кириши ва шундан сўнг бир сотих ердан 20 миллион сўмгача даромад олиниши режалаштирилмоқда.

Фото: Янги Наманган тумани ҳокимлиги ахборот хизмати

«Узумчилик энг жадал ривожланадиган ҳудуд ‘Бунёдкор’ маҳалласи бўлади. Бу ерда ҳозирнинг ўзида 324 та хонадон 8,5 гектар майдонда иш бошлади. Яна 28 гектар боғ ҳам бор. Буни инобатга олиб, маҳаллада узумчилик ва боғдорчиликни ўргатадиган мономарказ ташкил этилади. Маҳаллада етиштирилган ҳосилни сақлаш учун музлатгичли омборлар қурилиб, етиштирилган маҳсулот экспорт қилинади. Биз уч йилдан сўнг бу ерда узумчиликнинг ортидан камида 5-6 миллион долларлик экспортни кўзлаяпмиз», — деди туман ҳокими.

Эслатиб ўтамиз, президент Шавкат Мирзиёев жорий йил 19 февраль куни Наманган вилоятига ташрифи чоғида «Бунёдкор» маҳалласида бўлган ва ичимлик суви йўқ, ички йўллари ёмон, атрофи ободонлаштирилмаган ҳудуддаги аҳвол учун шаҳар ҳокими ва прокурорига танбеҳ берганди.

Изоҳ
Asosiy yangiliklar
Маҳаллий
Виртуал карталар нима ва улардан қандай қилиб тўғри фойдаланиш мумкин?
Дунё
Twitter офисида ходимлар учун каравотлар пайдо бўлди, Илон Маск аввалроқ меъёридан ортиқча иш бўлиши ҳақида огоҳлантирганди
Маҳаллий
Хоразмда икки киши ис газидан вафот этди