Бугун,

  • USD 11095.31
  • RUB 173.84
  • EUR 10772.44

2022 йилда Андижонда 4 та олий таълим муассасаси ташкил этилади. Бу ҳақда вилоят ҳокими Шуҳрат Абдураҳмонов 20 декабрь куни вилоят халқига қилган мурожаатида маълум қилди, дея хабар берди «Дарё» мухбири.

Ҳоким мурожаати давомида мактабгача таълим, халқ таълими, олий ва ўрта махсус таълим тизимини янада ривожлантириш бўйича амалга оширилаётган ишлар, эришилган ютуқларга тўхталиб, 2022 йилда олий таълим тизимини ривожлантириш бўйича қилиниши режалаштирилган ишлар билан таништирган.

Маълум қилинишича, 2022 йилда 14 та давлат-хусусий шерикчилик асосида йирик мактабгача таълим ташкилоти, 306 та оилавий боғчалар, 4 та хусусий мактаб, 12 та физика-математика, кимё-биология ва информатика фанларига ихтисослаштирилган мактаблар, Шаҳрихон туманида Тошмуҳаммад Саримсоқов номидаги аниқ фанларга ихтисослашган мактаб, давлат-хусусий шерикчилик асосида 4 та 1800 ўринли талабалар турар жойлари, шунингдек, Андижон давлат тиббиёт институти учун 1000 ўринли, Андижон машинасозлик институти учун 300 ўринли ўқув биноларини фойдаланишга топшириш режалаштирилган.

Бундан ташқари, 2022 йилда вилоятда 4 та янги олий таълим муассасасини ташкил этиш мўлжалланган.

«2022 йилда Андижон давлат чет тиллари институти (2010 йилда тугатилган) қайта ташкил этилади. Бу бўйича президент қарори лойиҳаси тайёрланган бўлиб, имзоланиш арафасида. Шунингдек, текстил соҳасига мутахассисларни етиштириб берувчи Само кластер инновацион технологиялар институти ташкил этилади.

Бундан ташқари Ҳиндистоннинг Glocal ҳамда Ахборот технологиялар университетларининг Андижон филиалларини ҳам ташкил этиш режалаштирилган бўлиб, ушбу хорижий таълим муассасалари билан музокараларимиз охирига етган. Ҳозирда жойлар танланмоқда. Насиб қилса келаси йилдан ўз фаолиятини бошлайди. Натижада олий таълим қамрови 23 фоиздан 50 фоизга ошади», – дейди Шуҳрат Абдураҳмонов.

Изоҳ
Asosiy yangiliklar
Маҳаллий
«Ҳудудгазтаъминот» аҳолини газдан оқилона фойдаланишга чақирди
Маҳаллий
«Кимдир жавоб бериши, кимдир қусиши керак» — фаоллар газ ва электр муаммоси сабабчиларига жазо сўрамоқда
Маҳаллий
Тошкент вилоятида эр-хотин ва уларнинг уч ойлик чақалоғи ис газидан вафот этди