Бугун,

  • USD 11095.31
  • RUB 173.84
  • EUR 10772.44

Джинси шимлардаги кичкина чўнтак илк бор Levi’s бренди томонидан 1890 йилда ишлаб чиқарилган Lot 501 моделида оммавий ишлатилган. «Корреспондент» мазкур чўнтак қандай мақсадда ўйлаб топилгани ва нима учун ҳали-ҳануз борлигига тўхталди.

Фото: «Корреспондент»

Фото: «Корреспондент»

Таъкидланишича, дастлаб ушбу чўнтаклар занжирли соатларни солиш учун мўлжалланган. Аммо ўша вақтда джинсини ишчилар — кончи ва олтин изловчилар кийгани учун кўпчилик бу қарашга қўшилмайди. Шундан келиб чиққан ҳолда «зажигалка» ёки мих солиш учун керак бўлгани борасидаги версия ҳақиқатга яқинроқ ҳисобланади.

Бренд ишлаб чиқарилган джинсиларидаги оригинал дизайнни сақлаб қолиш мақсадида ушбу детални қолдиришга қарор қилган. Levi Strauss & Co тарихчиси Трейси Панекнинг айтишича, кичик чўнтакларнинг кўринишига Иккинчи жаҳон уриши вақтидагина ўзгартириш киритилган. Ҳарбий эҳтиёжлар учун металларни сақлаб қолиш мақсадида чўнтакнинг икки бурчагидаги михпарчинлар олиб ташланган. Уруш тугаганидан кейин эса ҳаммаси яна аввалгидек бўлган.

Фото: «Корреспондент»

Фото: «Корреспондент»

Аксарият мода брендлари Levi’s брендидан кўчирмачилик қилган бўлиши мумкин, лекин улар кўпинча кичик чўнтакни джинсининг турли қисмларига жойлаштиради. Одамларнинг фикрича, унда узук, гугурт, танга ва ҳатто калитни ҳам сақласа бўлади. Бироқ, умуман олганда, бу деярли фойдасиз элемент. Бугунги кунда ушбу кичик чўнтак Levi’s брендининг ўзига хос дизайнини билдиради, холос.

Аввалроқ Болливуд юлдузи Дипика Падуконе Levi’s бренди билан ҳамкорликда либослар коллекциясини тақдим қилгани ҳақида хабар берилганди.

Изоҳ
Asosiy yangiliklar
Дунё
Илон Маск Twitter’да Apple рекламалари тикланганини эълон қилди
Дунё
Туркиянинг Kizilelma қирувчи дрони илк парвозни амалга оширди (видео)
Дунё
Хитой Россияга ҳарбий ёрдам кўрсатдими?