Британиялик рассом Эйдан Либан дунёдаги энг қиммат Рождество свитерини тўқиш учун 1 йилга яқин вақт сарфлади. Рассом ўз ижод маҳсулини 30 минг фунт стерлинг (39 714 доллар)га сотиш ва маблағнинг бир қисмини Буюк Британиядаги соғлиқни сақлаш миллий хизматига хайрия қилиш ниятида. Бу ҳақда Esquire хабар беради.
Маълум бўлишича, 2020 йил декабрдан свитер тўқишга киришган Либан 2021 йил ноябрда ишга якун ясаган. Бунинг учун у бор маблағи — 7000 фунтнинг барини сарфлаган. Свитердаги буғу учун 2 минг дона Swarovski кристаллари, кумуш ранг юлдузлар учун эса 150 минг дона бриллиант ишлатилган. Свитер учун юқори сифатли тилла ип, пахта ва итальян ипагидан фойдаланилган. Либаннинг таъкидлашича, свитер нафис ва уни ювиш мумкин эмас.
«Мен муҳташам, эътибор жалб қиладиган нимадир яратишни истадим ва бунинг уддасидан чиқдим. Жараёнда жуда ҳам кўп ишлашимга тўғри келди», — деган у.
Аввалги энг қиммат жемпер 2016 йилда байрам либосларини тикишга ихтисослашган Tipsy Elves компанияси томонидан тақдим қилинган. 24 минг дона кристалл билан безатилган свитер 24 минг долларга сотилган.
Изоҳ (0)