Урганч ва Андижонда қуюқ туман ҳукм сураётгани сабабли бир қатор авиарейслар кечиктирилмоқда. Бу ҳақда Uzbekistan Airports хабар қилди.
Маълум қилинишича, туман сабабли Москвадан учиб келаётган «Аэрофлот» авиакомпаниясига тегишли бортида 131 йўловчи бўлган самолёт соат 06:40 да Урганч аэропортига қўна олмаган ва Нукусдаги захира аэродромига йўл олган.
Шунингдек, Uzbekistan Airways’га тегишли Урганч—Тошкент рейси ҳам кечиктирилган. Самолёт 08:20 да учиши, Тошкентдан сўнг Истанбулга парвоз қилиши керак эди.
«Бироқ Урганч аэропорти ҳали ҳам туман билан қопланган. Кўриш масофаси 200 метрдан 400 метргача яхшиланган. Учиш учун мақбул кўрсаткич эса 800 метрни ташкил қилади. Мутахассислар фикрича, туман 11:00 дан 11:30 гача оралиқда тарқалади», — дейилади хабарда.
Туман Тошкент—Андижонга рейсини ҳам кечиктирган. Самолёт 08:30 да парвоз қилиши керак эди, бироқ қабул қилувчи аэропортдаги туман туфайли у ҳамон Тошкентда бўлиб турибди. Самолёт тахминан соат 12:00 да учиши кутилмоқда.
Мавзуга доир:
- Uzbekistan Airways’нинг Тошкентдан Наманганга учган самолёти ноқулай об-ҳаво сабаб ортга қайтди
- Uzbekistan Airways’нинг Тошкент—Душанбе рейси Тожикистонда кузатилаётган кучли туман сабаб кечиктирилди
- Uzbekistan Airports Тошкент аэропортидан учиши керак бўлган рейсларнинг кечиктирилиши тўғрисида маълумот берди
Изоҳ (0)