HBO Max «Гарри Поттер ва ҳикматлар тоши» фильми тақдим қилинганининг 20 йиллиги муносабати билан «Ҳогвартсга қайтиш» деб номланган махсус эпизоднинг биринчи тизерини тақдим қилди.

Фото: Esquire

Роликда деярли барча актёрлар — Дэниэл Редклифф, Эмма Уотсон, Руперт Гринт, Том Фелтон, Мэттью Льюис, Гери Олдмен, Ҳелена Бонем Картер ва бошқалар суратга тушган. Тизерда уларга Ҳогвартсдан таклифнома юборилганини кўриш мумкин.

Фильм премьераси 2022 йилнинг 1 январь куни бўлиб ўтиши кутилмоқда. Махсус эпизоддаги иштирокчилар рўйхатида Гарри Поттер ҳақидаги китоб муаллифи Жоан Роулинг ҳақида эълон қилинмаган. Миш-мишларга кўра, у ирқчилик билан боғлиқ айбловлар сабаб фақат архив кадрлардагина пайдо бўлади. Аввалроқ ижтимоий тармоқларда ёзувчини қўллаб-қувватлаш учун флешмоб бошланган. Китоб ва кинофраншизанинг мухлислари #IStandWithJKRowling (Мен Жоан Роулинг учун) деган хештегни оммалаштирган.

Аввалроқ Legо «Гарри Поттер ва ҳикматлар тоши» фильмига 20 йил тўлиши муносабати билан янги жамланмани тақдим этгани ҳақида хабар берилганди.