Ўзбекистон валюта биржаси хориж валютаси олди-сотдиси учун ундириладиган комиссия миқдорини қарийб икки баробарга камайтиради. Бу ҳақда биржа матбуот хизматига таяниб, Spot хабар берди.
Маълум қилинишича, 1 декабрдан бошлаб комиссия миқдори дилер соф айланмасининг 0,027 фоизини ташкил этади (хорижий валютани сотиб олиш ва сотиш ҳажмлари ўртасидаги ижобий фарқ). Илгари 0,05 фоиз ундирилган.
Шунингдек, биржа қатор битимлардан комиссия ундиришни тўхтатади. Хусусан:
- Россия рублини сўмга алмаштириш ва аксинча (RUB/UZS), шунингдек, мазкур валюта жуфтлиги бўйича бошқа операциялар;
- Хитой юанини сўмга алмаштириш ва аксинча (CNY/UZS);
- банклараро валюта СВОП операциялари;
- дилерлараро РЕПО операциялари.
Бундан ташқари, савдо операциялари нархининг пасайиши ҳисобига валюта биржаси тижорат банклари валюта операциялари ҳажмини оширишини кутмоқда.
Ўз навбатида, мижозлар валютани банклардан анча паст курсда харид қилиши мумкин, дея таъкидлайди валюта биржаси.
Изоҳ (0)