Ўзбекистонда октябрда иккиламчи бозордан машина олганлар янгисини олганлар сонидан қарийб икки баравар ортиқ бўлди
Ўзбекистонда октябрь ойида иккиламчи бозордан машина олганлар янгисини олганлар сонидан қарийб икки баравар ортиқ бўлди. Бу ҳақда Иқтисодий тадқиқотлар ва ислоҳотлар маркази маълумотларида келтирилган.
Унга кўра, октябрь ойида 70,7 минг дона автотранспорт воситалари сотилган бўлса шундан 50,1 минг донаси (сентябрда сотилганидан 24,3 фоизга кўп) иккиламчи бозорда, 20,6 минг донаси (сентябрда сотилганидан 58,5 фоизга кўп) эса бирламчи бозорда сотилган.
Мутахассислар буни коронавирус пандемияси оқибатида микрочипларнинг глобал тақчиллиги сабабли автомобиль саноатида ишлаб чиқариш ривожланиши тўхтаб тургани билан изоҳламоқда. Шу сабабли иккиламчи бозорда савдо ҳажми ўсган.
Ҳудудлар кесимида энг юқори ўсиш суръатлари Сурхондарё (60,4 фоиз), Навоий (55,9 фоиз), Бухоро (53,4 фоиз) ва Тошкент (50,2 фоиз) вилоятларида кузатилган.
Мавзуга доир: Ўзбекистонда эски автомобилларнинг нархига қандай омиллар таъсир қилиши ўрганиб чиқилди
Экспертларнинг таъкидлашича, чет элда ишлаб чиқарилган автомобиллар савдоси сентябрь ойига (2 343 дона) нисбатан бироз камайган, август ойига (1 021 дона) нисбатан эса 38,2 фоизга ошган.
Бу даврда чет элда ишлаб чиқарилган автомобиллар энг кўп Тошкент шаҳри (5 209 дона), Фарғона (1 610 дона), Тошкент (834 дона) ва Самарқанд (505 дона) вилоятларида сотилган.
Маҳаллий автомобиль бозорида талаб миқдори 2020 йил октябрь ойи билан таққослаганда 10 фоизга ошган.
Мавзуга доир:
