Уй-рўзғор буюмлари янгидек кўринса ҳам яроқлилик муддатига эга.
Қуёшдан ҳимояловчи крем
Одатда аёлларда икки йил аввалги кремлар ҳам сақланиб туради. Лекин кремнинг ҳимоя функциялари 24 ой давомида амал қилади, ҳатто қадоқлашда бошқача кўрсатмалар бўлса ҳам. Бундан ташқари, кремни расмий яроқлилик муддати тугаганидан кейин ишлатмаслик керак.
Картошка
Картошка қуёш нури таъсирида яшил рангга айланади ва диарея, қайт қилиш ва бошқа аломатларни келтириб чиқарадиган заҳарли соланин ишлаб чиқаради. Шунинг учун эскирган картошкани таомга қўшмаслик тавсия этилади.
Батареялар
Батареяларнинг яроқлилик муддати фойдаланиш бошланишидан эмас, балки ишлаб чиқарилган кундан бошлаб ўлчанади. Одатда бу қадоқда кўрсатилади, лекин ҳеч ким бунга эътибор бермайди. Шунингдек, ишлатилган батареяларни чиқиндига ташламаслик керак, бу атроф-муҳит учун зарарли. Батареялар учун махсус йўқ қилиш пунктлари мавжуд.
Водород перекис
Водород перекис – кундалик ҳаётда кенг қўлланиладиган универсал восита. Қадоқ очилгандан сўнг у икки ой давомида ўз хусусиятларини сақлаб қолади. Муддати ўтгач ўз таъсирини йўқотади.
Зираворлар
Ушбу тоифадаги маҳсулотларнинг ўз яроқлилик муддати бор. Зираворларни 2-3 йилдан ортиқ ишлатмаслик керак, узоқ вақт сақлаш билан улар ҳид ва таъм хусусиятларини йўқотади.
Узайтиргич
Бундай маҳсулотларга яроқлилик муддатини ёзилмайди. Фақат кафолати бўлади. Қурилма ўзидан ўтиши мумкин бўлган маълум миқдордаги жоул учун мўлжалланган. Уйда буни аниқлаш мумкин эмас, лекин агар узатма кабели қора рангга айланиб, жуда қизиб кета бошласа, у билан хайрлашиш вақти келган.
Идиш ювиш гупкалари
Нам кўпикли шимгичлар хавфли микроорганизмлар учун яшаш жойидир. Уларни иложи борича тез-тез алмаштириш керак – тахминан икки ҳафтада бир марта.
Кроссовка
Югуриш учун мўлжалланган спорт пойабзали ҳар 500 километрда ўз таянчини йўқотади. Пойабзал ичидаги зарбани ютувчи қатлам зарар кўради ва умуртқа поғонаси ҳамда бўғимлари зўриқади.
Ҳашаротга қарши воситалар
Ҳашаротларга қарши воситалар ҳам ишлаб чиқарилган кундан бошлаб 2 йил сақлаш муддатига эга. Ҳар сафар восита харид қилинганда, қадоқни текшириш керак.
Уй шиппаги
Шиппак душ пайтида ёки ундан кейин дарҳол кийилса, қўзиқорин инфекциялари осонгина кўпаяди. Уй пойабзалларини ҳафтада бир марта дезинфекция қилиш ва ҳар олти ойда бир марта алмаштириш керак.
Тароқлар
Ишлатилгандан сўнг тароқда тери зарралари ва ёғ безлари томонидан ишлаб чиқарилган ёғ қолади. Бундан ташқари, очиқ ҳолда сақланганда, чанг юзага ёпишади. Шунинг учун соч учун аксессуарни ҳафтада камида бир марта ювиш ва йилига бир марта ўзгартириш керак.
Изоҳ (0)