Россияда бўлиб турган Наманган вилояти ҳокими Шавкат Абдураззоқов бошчилигидаги делегация ўзбекистонлик меҳнат мигрантлари билан учрашди. Бу ҳақда «Дарё» мухбири Азизбек Абдувалиев хабар бермоқда.
Абдураззоқов 18 ноябрь куни Москва вилоятининг Котово посёлкасида жойлашган «Пик-Индустрия» корхонасида бўлди. Мазкур корхона темир-бетон маҳсулотлари ишлаб чиқаришга ихтисослашган бўлиб, ҳозирги кунда бу ерда 238 нафар ўзбекистонлик, жумладан, 160 нафар наманганлик қонуний меҳнат фаолияти билан шуғулланмоқда.
Вилоят ҳокимлиги ахборот хизматининг маълум қилишича, Москвада меҳнат қилаётган ватандошлар учун тушликка палов тортилган. Уларга Наманган ҳокимининг эсдалик совғалари топширилган.
Эслатиб ўтамиз, олдинроқ Шавкат Абдураззақов Москвада Россия компанияси билан 60 миллион долларлик лойиҳани амалга ошириш бўйича келишувни имзолагани ҳақида хабар берилганди.
Изоҳ (0)