Rossiyada bo‘lib turgan Namangan viloyati hokimi Shavkat Abdurazzoqov boshchiligidagi delegatsiya o‘zbekistonlik mehnat migrantlari bilan uchrashdi. Bu haqda “Daryo” muxbiri Azizbek Abduvaliyev xabar bermoqda.
Abdurazzoqov 18-noyabr kuni Moskva viloyatining Kotovo posyolkasida joylashgan “Pik-Industriya” korxonasida bo‘ldi. Mazkur korxona temir-beton mahsulotlari ishlab chiqarishga ixtisoslashgan bo‘lib, hozirgi kunda bu yerda 238 nafar o‘zbekistonlik, jumladan, 160 nafar namanganlik qonuniy mehnat faoliyati bilan shug‘ullanmoqda.
Viloyat hokimligi axborot xizmatining ma’lum qilishicha, Moskvada mehnat qilayotgan vatandoshlar uchun tushlikka palov tortilgan. Ularga Namangan hokimining esdalik sovg‘alari topshirilgan.
Eslatib o‘tamiz, oldinroq Shavkat Abdurazzaqov Moskvada Rossiya kompaniyasi bilan 60 million dollarlik loyihani amalga oshirish bo‘yicha kelishuvni imzolagani haqida xabar berilgandi.
Izoh (0)