Бугун,

  • USD 11095.31
  • RUB 173.84
  • EUR 10772.44

Франция президенти Эммануэль Макрон 2020 йилнинг июлида Франция давлат байроғидаги кўк ранг жилосини ўзгартирган. Бу ҳақда Europe 1 радиостанциясида маълум қилинди, деб хабар беради Meduza. Таъкидланишича, Le Parisien ва Le Figaro нашрларига ушбу маълумотларни Елисей саройи — Франция президентининг расмий қароргоҳи тасдиқлаган.

Фото: Steppe

Фото: Steppe

Олдинлари Франция байроғидаги кўк ранг жилоси анча ёрқин эди. Уни 1976 йилда Франция президенти Валери Жискар д’Эстен байроқ Европа иқтисодий ҳамжамияти (кейинроқ Европа Иттифоқига айланган) байроғи рангига мос келиши учун жорий этган.

Макрон француз байроғига Франция инқилобидан 1976 йилгача фойдаланилган анча тўқроқ кўк рангни қайтарган.

Кўк рангнинг алмаштирилиши Елисей саройида кўплаб баҳс-мунозараларга сабаб бўлган. Француз журналистлари Элиот Блонде ва Поль Ларрутюру томонидан ёзилган Елисей саройи ҳақидаги китобда қайд этилишича, ушбу янгилик ташаббусини тезкор ишлар бўйича директор Арно Жоланс илгари сурган.

Елисей саройи Франция байроғидаги кўк ранг жилосининг ўзгарилишини оммавий эълон қилмаган ва мамлакатдаги барча давлат байроқларини алмаштириш ташаббусини сурмаган. Шу билан бирга, байроқнинг янги варианти 2018 йилдан буён Макроннинг расмий чиқишларида фойдаланилмоқда. Шунингдек, у Елисей саройи ва бошқа расмий биноларга илинган.

Изоҳ
Asosiy yangiliklar
Маҳаллий
Бир неча кундан буён ҳукм сураётган қорли об-ҳавода ўзбекистонликлар ясаган қорбоболар — суратларда
Спорт
Матбуот анжумани вақтида мушукни улоқтириб юборган Бразилия терма жамоаси расмийси танқидларга учради (видео)
Маҳаллий
Ўзбекистонда нархни оширган ва сифатсиз маҳсулот сотган 299 та заправкага бензин етказиб бериш тўхтатилди