Бугун,

  • USD 11095.31
  • RUB 173.84
  • EUR 10772.44

Шавкат Мирзиёевнинг Россия президенти Владимир Путин билан музокаралари келаси ҳафта бўлиб ўтиши кутилмоқда. «РИА Новости»нинг ёзишича, бу ҳақда «Россия 1» телеканалининг «Москва. Кремль. Путин» дастурида маълум қилинди.

Фото: Президент матбуот хизмати

Фото: Президент матбуот хизмати

«Россияга Путин билан музокаралар ўтказгани Ўзбекистон Президенти келмоқда. Шавкат Мирзиёевнинг мамлакатда яқинда бўлиб ўтган сайлов ва унда ғалаба қозонганидан кейинги биринчи хорижий сафари эканини инобатга олган ҳолда бу муҳим воқеа», — дейилади дастурда.

Бироқ хабарда Ўзбекистон Президентининг Россияга ташрифи айнан қайси кунлари амалга оширилишига аниқлик киритилмаган.

Қайд этиш жоиз, Шавкат Мирзиёевнинг Россияга давлат ташрифи билан боришига анча вақтдан бери тайёргарлик кўрилмоқда. Дастлаб ушбу ташриф ҳақида 2020 йилнинг декабрида Ўзбекистон ташқи ишлар вазири Абдулазиз Комиловнинг россиялик ҳамкасби Сергей Лавров билан  учрашувида муҳокама қилинган эди. 2021 йилнинг апрелида Президент матбуот котиби Шерзод Асадов давлат раҳбарининг Россияга расмий ташрифи санаси коронавирус билан боғлиқ вазиятга бориб тақалишини айтганди.

Шавкат Мирзиёев Россияга ноябрь ойида ташриф буюриши ҳақида Президентнинг 7 октябрь куни Владимир Путин билан ўтказган телефон мулоқотидан маълум бўлганди.

Россия ТИВ матбуот хизмати берган маълумотга кўра, ташриф давомида Ўзбекистон ва Россия ўртасида 30 га яқин ҳужжат имзоланиши кутилмоқда.

Эслатиб ўтамиз, Шавкат Мирзиёев Ўзбекистон Президенти этиб сайланганидан сўнг Истанбулда ўтказиладиган Туркий тилли давлатлар ҳамкорлик кенгашининг навбатдаги саммитида иштирок этиш учун 11–12 ноябрь кунлари Туркияда бўлди. Давлат раҳбари декабрь ойида Жанубий Кореяга, 2022 йилда Венгрияга расмий ташриф билан бориши кутилмоқда.

Изоҳ
Асосий янгиликлар
Маҳаллий
«Электр таъминотидаги узилишларга кўп дуч келдим» — Ўзбекистонга кўчиб ўтган IT-мутахассис таассуротлари
Дунё
Саакашвилининг организмида маргимуш топилди — адвокат
Маҳаллий
Шавкат Мирзиёев Володин бошчилигидаги Россия парламент делегациясини қабул қилди (фото)