Тошкент шаҳар Шайхонтоҳур туманида 662,1 миллион сўмлик суғурта полисларидан тушган маблағни талон-торож қилган шахслар аниқланди. Бу ҳақда Бош прокуратура ҳузуридаги департамент хабар берди.
Маълум қилинишича, Бош прокуратура ҳузуридаги департаментнинг Шайхонтоҳур туман бўлими томонидан терговга қадар текширув ўтказилган. Текширув давомида якка тартибдаги тадбиркорлар К.Д. ва К.Р. «А.» номли МЧЖ шаклидаги суғурта компаниясининг умумий қиймати 662,1 миллион сўмлик жами 5 395 дона суғурта полисларини битим асосида олгани аниқланган. Улар суғурта полисларини реализация қилишдан тушган маблағларни жамиятга ўтказмасдан ўз эҳтиёжларига сарфлаб, талон-торож қилган.
Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят ишлари қўзғатилиб, тергов ҳаракатлари ўтказилмоқда.
Аввалроқ Бухорода корхона раҳбари тадбиркорнинг 1,3 млрд сўмлик маҳсулотини ўзлаштириб, 2 та Damas, Toyota Hiace ва Isuzu сотиб олгани, Чироқчида банкирлар 119 нафар фуқаро номига расмийлаштирилган салкам 1 млрд сўмни ўзлаштиргани, Олий ва ўрта махсус таълими тизимида 9 ойда қарийб 14 млрд сўмлик молиявий камчиликларга йўл қўйган 21 нафар ходим ишдан олингани тўғрисида хабар берилганди.
Мавзуга доир:
- Ўзбекистондаги боғчаларда 9 ойда 6,6 млрд сўмлик иш ҳақи ва товарлар ўзлаштириб юборилган — Мактабгача таълим вазирлиги
- Андижонда газ таъминоти ходимлари аҳолига ажратилган газ баллонларини талон-торож қилди
- Ўзбекистонда 2021 йилнинг олти ойи ичида давлат амалдорлари томонидан 592 млрд сўм талон-торож қилинган
Изоҳ (0)