Тошкент шаҳар ҳокимининг пойтахт бозорлари ва савдо шохобчаларидаги асосий товарлар бўйича нархларни мониторинг қилишга мўлжалланган «Бозор нархи» ахборот тизимини ишлаб чиқиш борасидаги қарори қабул қилинди.
Қарорга кўра, «Рақамли ривожланиш департаменти» МЧЖ томонидан Тошкент шаҳрида бозорлар ва савдо шохобчаларида асосий товарлар бўйича нархларни мониторинг қилиш бўйича «Бозор нархи» ахборот тизими ишлаб чиқилган.
«Бозор нархи» ахборот тизими 2021 йилнинг 1 ноябридан бошлаб, тажриба тариқасида Тошкент шаҳрининг барча деҳқон бозорларида амалиётга жорий этилади.
«Рақамли ривожланиш департаменти» МЧЖ ва «Муниципал активларни бошқариш маркази» ДУКка қуйидаги вазифалар юкланган:
- 2021 йил 25 октябрга қадар «Бозор нархи» ахборот тизимини Тошкент шаҳрининг барча деҳқон бозорларида фойдаланиш имконини ярацин ва узлуксиз ишлашини таъминлаш;
- «Бозор нархи» ахборот тизимидан фойдаланишда электрон ахборотлар хавфсизлигини таъминлаш чораларини кўриш;
- «Бозор нархи» ахборот тизимидан фойдаланувчиларга 3 кун муддатда амалий семинар ташкил этиб, тизимдан фойдаланиш ва маълумотларни киритиш билан боғлиқ масалаларни батафсил тушунтириш.
Бириктирилган ходимлар тегишли иш жойи ҳамда компьютер техникалари билан таъминланади.
Аввалроқ Ўзбекистон марказий деҳқон бозорларида алоҳида турдаги озиқ-овқат маҳсулотларининг нархи бўйича кузатув ўтказилгани, Сенат Ўзбекистонда гўшт ва картошка импортини ҚҚСдан озод қилишни маъқуллагани, Ўзбекистонда банан, ананас, киви, авокадо, финики ва шу каби бошқа товарлар божхона божидан озод қилиниши тўғрисида хабар берилганди.
Изоҳ (0)