Сербиянинг Белград шаҳрида бокс бўйича ЖЧ—2021 баҳслари 26 октябрь, сешанба куни давом эттирилди.

Одилжон Аслонов

Фото: Бокс федерацияси матбуот хизмати

-80 кг вазн тоифасида Одилжон Аслонов 1/32 финал доирасида танзаниялик Юсуф Чангалавега қарши рингга кўтарилиши лозим эди. Аммо унинг рақиби номаълум сабабга кўра жангга чиқмайдиган бўлди ва Аслонов автоматик равишда кейинги босқичга йўл олди.

25 октябрь куни Асадхўжа Мўйдинхўжаев ирландиялик рақибини енгиб, кейинги босқичга йўлланмани қўлга киритган эди.

Эслатиб ўтамиз, Ўзбекистон терма жамоаси ушбу мусобақага янгиланган таркибда йўл олган. 13 та вазн тоифасида мамлакат шарафини ҳимоя қиладиган спортчилар орасидан Ҳасанбой Дўстматов, Шаҳобиддин Зоиров, Миразизбек Мирзахалилов ҳамда Шаҳрам Ғиёсов каби тажрибали боксчилар ҳам ўрин олган.