Шаҳзода Уильям ҳамда унинг рафиқаси Кембриж герцогиняси Кейт Earthshot Prize биринчи тақдирлаш маросимига янги автомобилда ташриф буюрди. Эълон қилинган суратлардан кўриш мумкинки, атроф муҳит ҳимояси борасида кўрсатган хизматлари учун топшириладиган мукофот учун улар шунга мос транспорт танлаган — тўлиқ электр энергиясида ҳаракатланувчи Audi RS e-tron GТ. Буюк Британияда унинг нархи 110 минг фунт (152 минг доллар) атрофида, деб хабар беради Motor.
Фото: Daily Mail
Audi RS e-tron GТ — бу 2021 йилнинг февралида тақдим этилган тўлиқ узатмали электроседаннинг топ версияси ва инглиз-шотланд маркасининг RS-версиядаги биринчи «батареяли» автомобили ҳисобланади. Модель худди Porsche Taycan каби J1 платформаси асосида яратилган ва унинг узунлиги қарийб 5 метрга етади. Иккита моторли куч узатмаси 598 от кучини (қисқа муддатга 646 от кучини) тақдим этишга қодир ва соатига 100 километр тезликка 3,3 сонияда эришади. Максимал тезлиги соатига 250 километрни ташкил этади.
RS e-tron GТ моделини йиғиш R8, А6, А7 ва А8 каби гибридлар ишлаб чиқарилувчи Böllinger Höfe заводида йўлга қўйилган. Daily Mail’нинг ёзишича, оддий британияликлар бу каби Audi’ни харид қилиш учун саккиз ойлаб навбатда туради, аммо герцоглар оиласи учун истисно қилинган бўлиши мумкин.
Маросимдаги суратлар Уильям Кенсингтон саройига электрокарлар учун қувватлантириш станциясини ўрнатгани айтилган хабарлар тарқалганидан бир неча соат ўтиб пайдо бўлди: тўрт асрли тарихга эга қароргоҳ ҳудудида бу каби қурилма биринчи бор ўрнатилган. 800 волтли кучланишга эга доимий токли станциядан RS e-tron GТ тахминан 25 дақиқа ичида қувватлана олади. 100 километр масофага етадиган электр энергиясини эса беш дақиқада олишга қодир. Тўлиқ қувватли батарея WLTP циклига кўра 472 километр йўл босишни таъминлайди.
Мавзуга доир: Кейт Миддлтон ва шаҳзода Уильям кўчишни режалаштирмоқда: улар қироличага яқин яшашни хоҳлайди
Аввалроқ Шаҳзода Чарльз унаштирув маросимида малика Дианага совға қилган ноёб Ford Escort аукционга қўйилгани тўғрисида хабар берилганди.
