Европа минтақасида ЖЧ—2022 саралаши 8-тури доирасидаги бир қатор учрашувлар 12 октябрь, сешанба куни бўлиб ўтди.

Фото: Getty Images

Португалия ўз майдонида Люксембургни қабул қилди ва 5:0 ҳисобида ғалабага эришди. Биринчи 45 дақиқаликда Криштиану Роналду 8 ва 13-дақиқаларда икки маротаба 11 метрлик жарима зарбасини голга айлантирган бўлса, 17-дақиқада Бруну Фернандеш ҳисобни 3:0 кўринишига олиб келди. Жамоалар танаффусга шу ҳисобда йўл олди.

Иккинчи бўлимда Роналду ҳет-трикни расмийлаштирди, шунингдек, Жоау Палиня ҳам ўз номига битта гол ёздириб қўйди.

Фото: Getty Images

Англия Лондонда Венгрия билан баҳс юритди ва кутилмаганда очко йўқотди. Учрашувнинг 24-дақиқасида Роланд Шаллаи пенальтидан ҳисобни очиб, меҳмонларни ҳисобда олдинга олиб чиқди. Инглизлар бунга 37-дақиқада Жон Стоунзнинг голи билан жавоб қайтариб, мағлубиятдан қутилиб қолди.

Мазкур ғалабадан кейин Португалия пешқадам Сербиядан битта ўйин кам ўтказган ҳолда 16 очко билан А гуруҳида иккинчи ўринда бормоқда. Ҳисобида 20 очко бўлган Англия эса I гуруҳини бошқаряпти.

Дания Австриядан 1:0 ҳисобида устун келди ва муддатидан ЖЧ йўлланмасини қўлга киритди. Бунгача Европа қитъасида Германия терма жамоаси бу ишни уддалаганди.

ЖЧ—2022 саралаши

8-тур баҳслари

12 октябрь, сешанба

Португалия – Люксембург 5:0

Голлар: 1:0 – 8, пенальти Роналду, 2:0 – 13, пенальти Роналду, 3:0 – 17 Бруну Фернандеш, 4:0 – 69 Палиня, 5:0 – 87 Роналду.

Португалия – Руй Патрисиу, Жоау Канселу, Рубен Диаш, Мендеш, Пепе, Бруну Фернандеш (Гедеш, 80), Моутинью (Жоау Мариу, 65), Палиня (Рубен Невеш, 73), Бернарду Сильва (Матеуш Нунеш, 80), Роналду, Андре Сильва (Рафаэл Леау, 73).

Люксембург – Морис, Шано, Янс, Карлсон, Пинту (Муратович, 87), Тилл (Девилл, 46), Баррейро, Синани (Вейга, 88), Тилл (Боржес Саншес, 46), Родригеш, Мартинс Перейра.

Огоҳлантиришлар: Мендеш (22), Мартинс Перейра (32), Жоау Канселу (84).

Англия – Венгрия 1:1

Голлар: 0:1 – 24, пенальти Шаллаи, 1:1 – 37 Стоунз.

Англия – Пикфорд, Уокер, Мингз, Шоу, Стоунз, Фоден, Маунт, Грилиш (Сака, 62), Райс, Стерлинг (Ҳендерсон, 76), Кейн (Абраҳам, 76; Уоткинс, 90).

Венгрия – Гулачи, Него (Болла, 90), Кечкеш, Салаи, Над, Шаллаи (Ҳан, 79), Над, Собослаи (Николич, 90), Шафер (Вечеи, 79), Шен (Ҳолендер, 68), Ланг.

Огоҳлантиришлар: Шоу (23), Шафер (41), Собослаи (90).

Қозоғистон – Финляндия 0:2

Голлар: 0:1 – 45 Пукки, 0:2 – 47 Пукки.

Украина – Босния ва Герцеговина 1:1

Голлар: 1:0 – 15 Ярмоленко, 1:1 – 77 Ахмедхожич.

Болгария – Шимолий Ирландия 2:1

Голлар: 0:1 – 35 Уошингтон, 1:1 – 53 Неделев, 2:1 – 63 Неделев.

Швеция – Греция 2:0

Голлар: 1:0 – 59, пенальти Форсберг, 2:0 – 69 Исак.

Исроил – Молдова 2:0

Голлар: 1:0 – 28 Захави, 2:0 – 49 Даббур.

Литва – Швейцария 0:4

Голлар: 0:1 – 31 Эмболо, 0:2 – 42 Штеффен, 0:3 – 44 Эмболо, 0:4 – 90 Гавранович.

Сербия – Озарбайжон 3:1

Голлар: 1:0 – 30, пенальти Влахович, 1:1 – 45 Маҳмудов, 2:1 – 52 Влахович, 3:1 – 83, пенальти Тадич.

Фарер ороллари – Шотландия 0:1

Голлар: 0:1 – 86 Дайкс.

Дания – Австрия 1:0

Гол: 1:0 – 53 Меле.

Сан-Марино – Андорра 0:3

Голлар: 0:1 – 10 Пухол, 0:2 – 53 Морено, 0:3 – 89 Рикард.

Косово – Грузия 1:2

Голлар: 0:1 – 11 Окриашвили, 1:1 – 45, пенальти Мурики, 1:2 – 82 Давиташвили.