Хоразмда «Халқ сўзи» газетаси журналисти Саид Маҳсумов автоҳалокатга учраб, ҳалок бўлгани ҳақида хабар берилган эди. Хоразм вилояти ИИБ ахборот хизмати томонидан эълон қилинган лаҳвада айтилишича, авария машина ҳайдовчисининг ухлаб қолиши сабаб бўлган.
Мазкур йўл транспорт ҳодисаси 19 сентябрь куни соат 23:35 ларда Хоразм вилояти, Тупроққалъа тумани, Саримой қишлоғи ҳудудидан ўтган А-380 Ғузор—Бухоро—Нукус—Бейнеу халқаро аҳамиятга эга бўлган автомобиль йўлининг 493-километрида юз берган. Маълумотларга кўра, 25 ёшли фуқаро тегишли ҳужжатлар билан Tacuma русумли автомобилни бошқариб бораётиб, ухлаб қолган ва йўлдан чап томонга бурилаётган Isuzu юк машинасининг орқа томонига келиб урилган.
Оқибатда Tacuma ҳайдовчиси А.М. ҳодиса жойида, ушбу автомобиль йўловчилари С.М. шифохонага олиб кетилаётганда, Р.Ж. ва А.Қ. эса шифохонада вафот этган.
Қайд этилишича, мазкур ЙТҲ юзасидан Тупроққалъа тумани ИИБ ҳузуридаги ТБ томонидан Жиноят кодексининг 266-моддаси 3-қисми «а» банди (транспорт воситалари ҳаракати ёки улардан фойдаланиш хавфсизлиги қоидаларини бузиш одамлар ўлимига сабаб бўлиши) билан жиноят иши қўзғатилиб, ҳозирда дастлабки тергов ҳаракатлари олиб борилмоқда.
Изоҳ (0)