Куз – кечқурун севимли фильмларни томоша қилиш ва мазали таомларни истеъмол қилиш вақти. Шунинг учун ҳар қандай  учрашувда дастурхонга ажойиб тортиқ бўладиган мазали пироглар рецептини тақдим этамиз.

Юмшоққина олмали пирог рецепти

Фото: Elle

Керакли маҳсулотлар:

  • олма – 1,5 килограмм;
  • шакар – 150 грамм;
  • сариёғ – 20 грамм.

Хамир учун:

  • тухум – 1 дона;
  • шакар – 150 грамм
  • сметана – 20 фоизли 95 грамм;
  • ўсимлик ёғи – 75 грамм;
  • сариёғ – 75 грамм;
  • ун – 175 грамм;
  • қабартма – 7 грамм;
  • туз.

Тайёрланиш жараёни:

  1. Олма тозаланиб, бўлакларга бўлинади ва шакар сепилади.
  2. Товада сариёғ эритиб олинади ва олма жигарранг бўлгунча пиширилади.
  3. Хамир учун битта тухум 150 грамм шакар билан кўпиртирилади, сметана, эритилган сариёғ, ўсимлик ёғи ва туз қўшилади, Масса силлиқ ҳолга келгунга қадар аралаштирилади. Устидан ун ва қабартма солиниб, хамир қорилади.
  4. Хамир пишириқ қолипига қуйилади, устига пиширилган олма солинади. Олманинг бир қисмини хамир ичида, бир қисмини юзада қолдирилади. Пирог печда 165 даража 45 дақиқа давомида пиширилади.

Музқаймоқ ва олхўрили крамбл рецепти

Фото: Elle

Керакли маҳсулотлар:

  • сариёғ – 200 грамм;
  • шакар – 200 грамм;
  • ун – 200 грамм;
  • фундуқ ёнғоғи – 200 грамм;

Начинка учун:

  • олхўри – 650 грамм;
  • шакар – 30 грамм;
  • долчин – 5 грамм;
  • занжабил – 5 грамм;
  • музқаймоқ, йогурт.

Тайёрланиш жараёни:

  1. Олхўри бўлакларга бўлинади ва пишириқ варағига қўйилади. Устига шакар ва зираворлар сепилиб, 160 даража ҳароратда 20-30 дақиқа давомида юмшоқ бўлгунга қадар пиширилади.
  2. Сариёғни миксернинг паст тезлигида шакар ва ун билан аралаштирилади. Ёнғоқ қўшиб, тахминан, 20 дақиқа давомида 160 даражада печда қизаргунча пиширилади.
  3. Десерт учун мўлжалланган махсус идишга олхўрили начинка солинади, устидан сариёғли масса ва таъбга кўра музқаймоқ ёки йогурт қуйилади.

Олма ва кремли пирог рецепти

Фото: Elle

Керакли маҳсулотлар:

  • ун – 250 грамм;
  • сариёғ – 150 грамм;
  • бодом – 30 грамм;
  • шакар упаси– 100 грамм;
  • тухум – 1 дона;
  • туз.

Крем учун:

  • сут – 200 мл;
  • шакар – 50 грамм;
  • тухум – 1 дона;
  • крахмал – 1 чой қошиқ;
  • ун – 1 чой қошиқ;
  • сариёғ – 50 грамм;
  • бодом – 50 грамм.

Глазур учун:

  • ўрикли мураббо 
  • олма – 5 дона.

Тайёрланиш жараёни:

  1. Хамир учун: Миксер ёки кўпиртиргич ёрдамида сариёғ, шакар, майдаланган ёнғоқ ва тухумни аралаштирилади. Аралашмага унни элакдан ўтказиб, бир неча босқичда қўшилади. Ҳосил бўлган хамир думалоқ шаклга келтирилиб, 15 дақиқа давомида музлаткичга қўйилади.
  2. Крем учун: идишга ун, крахмал, шакар, тухум солиниб, кўпиртирилади. Секин-аста сут қўшилади ва силлиқ бўлгунча аралаштирилади. Паст оловга қўйилади ва крем қалинлашгунча аралаштирилади. Оловдан олингач, иссиқ кремга юмшатилган сариёғ қўшилади ва тўлиқ эригунча аралаштирилади.
  3. Олма ингичка бўлакларга бўлинади.
  4. Хамир айлана шаклда ёйилиб, қолипга ўтказилади, ортиқча қисми кесиб олинади ва санчқи билан тешилади.
  5. Крем хамир устига қуйилади ва текисланади. Юқори қисмига олма бўлаклари жойлаштирилади.
  6. Олма устига сариёғ суртилади ва шакар сепилади. Пирог 180 даража олдиндан қиздирилган печга қўйилади ва қизаргунча пиширилади. Ўрик мураббосига 2 ош қошиқ сув қуйилиб, идишда бироз иситилади ва тайёр бўлган пирог устига қуйилади.

Ёқимли иштаҳа!