18:36, 09.09.2021 17624

Қандли диабети борлар учун пишириқ: буғдой уни ва шакар қўшилмайдиган оддий рецептлар

Қандли диабетдан азият чекадиган кишиларнинг таомномасига алоҳида эътибор бериш, саломатликка зарар етказиши мумкин бўлган маҳсулотлардан фойдаланмаслик керак.

Фото: «Woman’s Day.ru»

Хамирли таом ва егуликлар тайёрлаганда эса айрим жиҳатларга амал қилиш муҳим:

  • Сариёғ ўрнига ёғи кам бўлган маргарин ишлатинг;
  • Олий нав бўлмаган ундан фойдаланинг;
  • Шакар ўрнига фруктоза қўшинг;
  • Гликемик кўрсаткичи юқори бўлган маҳсулотлар —узум, банан ва майиздан фойдаланманг.

Қолаверса, парҳезшунослар бундай қандолат маҳсулотларини катта бўлмаган ўлчамда пиширишни тавсия қилади. Олий навли бўлмаган ундан тайёрланиб, қўзиқорин, тухум ва тофу пишлоғи қўшилган егулик энг яхши саналади. Шунингдек, уйда тайёрлаш мумкин бўлган кекс ва торт рецептлари ҳам бор.

Парҳезбоп пирожки хамири

Фото: Russian Food

Керакли маҳсулотлар:

  • хамиртуруш — 30 г;
  • жавдар уни — 0,5 кг;
  • туз;
  • сув — 400 мл.

Тайёрланиш жараёни:

  • Илиқ сувга хамиртуруш қўшинг.
  • Ун ва туз солинг.
  • 1-2 соатга қолдиринг.

Қандли диабети борлар учун кекс рецепти

Фото: Russian Food

Керакли маҳсулотлар:

  • тухум — 1 дона;
  • маргарин — 100 г;
  • жавдар уни;
  • фруктоза;
  • лимон пўстининг қириндиси.

Тайёрланиш жараёни:

  • Барча маҳсулотларни блендерда аралаштиринг.
  • Унни кекснинг хамирига ўхшаш масса бўлгунича қўшинг.
  • Махсус кекс қолипига солиб 200 даража оловда пишириб олинг.

Творогли пирог

Фото: Russian Food

Керакли маҳсулотлар:

  • ун — 90 г;
  • тухум — 2 дона;
  • творог — 400 г;
  • ёнғоқ;
  • шакар ўрнини босувчи маҳсулот — 90 г.

Тайёрланиш жараёни:

  • Ҳамма маҳсулотларни қўшиб аралаштиринг.
  • Листга солиб 20-25 дақиқа давомида пишириб олинг.

Шунингдек, сули ёрмасидан печенье тайёрласангиз ҳам бўлади.

Ёқимли иштаҳа!