Samsung Electronics компанияси Samsung Innovation Campus — ишлаб чиқувчи мутахассисларнинг бепул мактабига ўқувчилар қабул қилишни бошламоқда. Samsung билан бирга смартфонлар учун зўр иловалар ва ўйинларни дастурлашни ва яратишни ўрганинг.
Samsung Innovation Campus — бу 2017- йили ишга туширилган Coding Lab дастурлаш мактабининг ривожланган кўриниши. Бугун лойиҳа ёшларга энг илғор ва талабга эга ахборот технологиялари соҳасида ўзининг назарий билимлари ва амалий кўникмаларини чуқурлаштириш учун янада кўпроқ имкониятларни мутлақо бепул тақдим этмоқда.
Хоҳловчилар иккита курсдан биттасини танлаши мумкин:
1) Java дастурлаш тилини ўрганиш ва Android операцион тизими (ОТ) базасида мобил платформалар учун иловалар ишлаб чиқиш бўйича курс. Ушбу курс 9 ой давом этади, унинг давомида ўқувчилар нафақат Java тилининг барча нозик томонларини ўзлаштиради, балки ўзи мустақил равишда смартфон, соат ва планшетлар учун иловалар ҳамда ўйинларни ҳам яратишни ўрганади.
2) C тилининг асосларини ўрганиш ва Arduino мисолида микрокомпьютерлар билан ишлаш бўйича курс. Унда ўқувчилар Arduino базасида турли-туман қурилмаларни яратиши, турли макетли платалар, моторлар, датчиклар ва бошқалар билан ишлашни ўрганиши мумкин.
Агар эпидемиологик ҳолат яхшиланса, машғулотлар қуйидаги ўқув муассасаларига қатнаш орқали ўтказилади:
- Қозоғистонда Алматидаги Қозоғистон миллий университети базасидаги Samsung Innovation Campus академиясида ва Нур-Султон шаҳридаги Astana IT University’да;
- Ўзбекистонда Тошкентдаги IT техникумда. Ҳозирча фақат C ва Arduino асослари бўйича шуғулланиш мумкин.
Бошқа шаҳарлар аҳолиси учун мобил иловаларни ишлаб чиқиш бўйича онлайн курсда ўқиш имконияти бўлади.
Даъвогарлар 13 ёшдан 20 ёшгача бўлиши лозим. Мактабда ўқиш учун 15 августдан 15 сентябргача, www.samsung-campus.kz мактаб сайтида кириш онлайн тестидан ўтиш зарур.
Samsung Innovation Campus лойиҳаси бўйича IT курсни муваффақиятли тамомлаган ўқувчилар Samsung сертификатларига эга бўлади, ўзини яхши кўрсатганларга эса қимматли совғалар топширилади.
Реклама ҳуқуқи асосида.
Изоҳ (0)