Пара дзюдо бўйича эркаклар ўртасида -100 кг вазн тоифасида Ўзбекистон шарафини ҳимоя қилган Шариф Халилов Токио—2020 Паралимпия ўйинлари бронза медалига сазовор бўлди.
Бронза учун кечган баҳсда Халилов Бразилия вакили Тенерио да Сильвага қарши татамига чиқди. «Олтин очко»ларга қадар чўзилган баҳсда ўзбекистонлик спортчи иппон баҳоси билан рақибини таслим этди ва медалга эга чиқди.
Эслатиб ўтамиз, Шариф Халилов 2012 йил Лондонда бўлиб ўтган Паралимпия ўйинларида кумуш медалга сазовор бўлган эди.
Шу тариқа Ўзбекистон делегациясининг медаллари сони 12 тага етди — 4 та олтин, 4 та кумуш ва 4 та бронза.
Изоҳ (0)