Бугун,

  • USD 11095.31
  • RUB 173.84
  • EUR 10772.44

Қашқадарё вилоятининг Қарши шаҳрида яшовчи Маржона Рўзмонова эри томонидан таҳқирланганини, тунги клубларда ўйнашга розилик бермагач, эри унинг сочини қириб ташлагани айтиб видеомурожаат йўллади. Бироздан сўнг эса, хато қилганини айтиб, халқдан узр сўради. «Дарё» мухбири воқеалар тафсилотини ўрганишга ҳаракат қилди.

«2019 йил 17 апрель куни Рустам Усмонов исмли фуқарога турмушга чиққандим. Эрим турмушимиз давомида менга кўп зулм ўтказган. Аммо ҳеч қаерга мурожаат қилмаганман. Оқибатда мана шундай аҳволда қолдим. У мени таҳқирлаб, устимдан кулди. Ҳомиладорман. Қолаверса, қўлимда бир ярим ёшли қизим бор. Ҳозирда момомнинг уйида яшаяпман. Эрим сочимни олиб мени таҳқирлашига сабаб у мени тунги клубларда ўйнатиб, пул қилишимни истади. Аммо мен эримга ‘қизимиз катта бўляпти. Тунги клубларда ўйнаб юришга уяляпман, соғлиғим ҳам жавоб бермаяпти. Ҳомиладорлигим сабаб токсикоз ҳам бўляпман’, деб тушунтирдим. Лекин у тунги клубларга бормасанг, бунақа ишни қилмасанг сенга гўзаллик нима керак, соч нима керак деб, сочимни олиб ташлади. Ҳатто пичоқ тиради», — дейди видеочиқишининг сабаби ҳақида гапирган Маржона Рўзмонова.

Маржона Рўзмонова.

Маржона Рўзмонова.
Фото: «Дарё»

Таҳқирланганини айтган аёл бироз ўтиб, хато қилганини, ёшлик қилиб, турмуш ўртоғига туҳмат қилганини айтиб, дастлабки чиқишини рад этган.

«Мен ёшлик қилиб, кимларнингдир гапига кириб, шундай видеомурожаат қилдим. Аммо хато қилганимни англадим», — дейди дастлабки чиқишини рад этган аёл.

Аниқланишича, аёлнинг дастлабки видеомурожаатидан сўнг унинг турмуш ўртоғи Қарши шаҳар ИИБга чақирилган.

Таҳқирланганини айтган аёл «Дарё» мухбирининг «балки, турмуш ўртоғингиз жавобгарликдан қутулиб қолиши учун бор ҳақиқатдан тонаётгандирсиз, аслида таҳқирланганингиз ростдир», дея берган саволига «аслида эрим мени аввалги енгил-елпи ҳаётимдан қайтаришга урингани учун шундай қилди, мен эса унга шу йўл билан кўрсатиб қўйишни истадим ва хато қилганимни билдим», дея жавоб берди.

«Дастлабки видеочиқишда ҳам эрим фоҳишаликка мажбур қилган демаганман. Мен билан суҳбатлашган блогер вазиятни шундай талқин қилган. Ва барча эътибор шу гапга қаратилган», — дейди Маржона Рўзмонова.

Маржона Рўзмонованинг маълумот беришича, 2021 йилнинг 8 июнь куни турмуш ўртоғи билан тортишиб қолиб, уйидан чиқиб кетган. Бир ҳафта уйига қайтмаганидан сўнг, эри уни қидирувга берган. Қидирувга берилгач, ўзи уйига қайтган.

Маржона Рўзмонова.

Маржона Рўзмонова.
Аёлнинг таҳқирланганини айтиб чиққан видеодан скриншот

«Мен аввалги ҳаётимни қумсаб, тунги клубларга чиқишни, ўйин-кулги қилишни ёқтирардим. Аммо эрли аёл бўлганим боис, эрим бунга қаршилик кўрсатди. Бошида рухсат берди, аммо кейинчалик буни тақиқлашга киришди. Роса тўполон кўтарганим боис, ‘майли, тунги клубларда ўйнайсан, фақат ўзимизнинг ресторанда, бошқасига бормайсан’, дея тақиқ қўйди. Табиийки, бу менга ёқмади. Мен ҳар куни ҳар хил жойларда бўлишни хоҳлардим. Эрим бунинг олдини олиш мақсадида сочимни ўзим билан келишган ҳолда олишга мажбур бўлди. Мен эса буни бошқача талқин қилиб, ундан қасос олмоқчи бўлдим. Ёшлик қилдим. Фарзандимиз борлигини ўйламадим», — дейди воқеа қандай бўлганини айтиб берган аёл.

«Дарё» мухбири билан суҳбатлашган аёлнинг эри, «хотинини фоҳишаликка мажбурлади» деган гапнинг ўзи унга оғир ботганини, аслида шундай нияти бўлса, хотинини гўзаллигидан мосуво қилмасдан, ундан фойдаланган бўлиши мумкинлигини айтмоқда.

«Фоҳишаликка мажбурлаш жуда катта айблов. Мен бу ҳақда эшитган куним шок ҳолатига тушдим. Қандай қилиб бундай разил ишга қўл уришим мумкин. Ўйлаб кўрилса, бундай нияти бор одам аёлнинг гўзаллигидан фойдаланади-ку, уни гўзалликдан маҳрум қилиб сочини олмайди-ку», — дейди бу ҳақда тушунтириш берган эркак.

Маржона Рўзмонованинг турмуш ўртоғига кўра, хотини турмушидан аввал тунги клубларда ишлаган. Уларнинг танишиши ҳам тунги клубларда бўлган.

«Хотиним менга турмушга чиқишдан аввал тунги клубларда «ўйинчилик» қилган. Бизнинг танишишимиз ҳам тунги клубларда бўлган. Тўйдан кейин ҳам у ўша ҳаётини қумсади. Тунги клубларда ўйин-кулги қилиб юришни истади. Мен буни рад этдим. Аммо қанақадир баҳоналар топиб, тунги клубларга бориб-келишни одат қилди. Сўнгра, имконсизлик сабаб рухсат бердим, аммо фақат ўзимизнинг ресторанда рақсга тушасан дея талаб қўйдим. У эса бунга кўнмади. Шунда у билан келишиб, сочини олиб ташлашимни, шундай қилсам бу ишини йиғиштиришини айтдим. У ҳам рози бўлди. Аммо кейин кимларнингдир гапи билан бу гапидан қайтди ва менга туҳмат қилиб, видеочиқиш қилди», — дейди жабрланганини айтган аёлнинг турмуш ўртоғи.

Маълум бўлишича, эрининг тақиқловига қаршилик билдирган аёл ҳафта ўн кунлаб уйидан қочиб кетадиган одат чиқарган.

«Охирги маротаба бир ҳафта йўқолиб кетди. Қизим ҳам менинг қўлимда қолди. Жудаям қийналдик. Шу сабаб бу йўлни маъқул кўриб, уни енгил-елпи ҳаётдан қайтаришга уриндим. Сочи йўқ бўлса, кўчага чиқолмайди, уйда ўтиришга мажбур бўлади деб ўйладим. Тўғри, хато қилдим бундай қилиб, аммо у ёнимда қолиши учун шундай қилдим», — дейди қилмишига изоҳ берган эркак.

«Дарё» мухбири билан суҳбатлашган эр-хотиннинг маълум қилишича, улар бугунги кунда бирга яшамоқда. Ҳар иккиси ҳам хатосини англаб етган ва бирга яшашга қарор қилган.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
“Ўтган йил давомида ички ишлар ходимлари билан боғлиқ 644 та салбий видео тарқалган” — Шоҳрух Ғиёсов