Бугун,

  • USD 11095.31
  • RUB 173.84
  • EUR 10772.44

Интернетдаги ютуқли ўйинлар орқали бухоролик фуқарони чув туширган фарғоналик йигит қўлга олинди. Бу ҳақда «Дарё»га вилоят ИИБ ахборот хизмати маълум қилди.

Таъкидланишича, Шофиркон туманидаги «Пашмон» маҳалласида яшовчи 22 ёшли фуқаро Ш.И. ижтимоий тармоқлардан фойдаланаётганда эҳтиётсизлиги туфайли виртуал фирибгарликка дуч келган.

Билдирилишича, номаълум шахс Telegram ижтимоий тармоғидаги «Агробанк инфо» каналидан фойдаланиб, Ш.И.нинг шахсий профилига «Agrobankmobile» иловаси орқали уланган. Ва Ш.И.га «Agrobankmobile» орқали 1 миллион 417 минг сўм миқдорида ютуқ тақдим қилинганлигини айтиб, унинг ишончига кирган. Номаълум шахс гўёки ушбу ютуқли пулларни Ш.И.нинг пластик картасига ўтказишини айтиб, бунинг учун унинг пластик картаси ҳамда телефон аппаратидаги Click кодини олишга эришган.

Орадан бир неча дақиқа ўтгач, пластик картасидан 759 минг 250 сўм пул ечиб олингани ҳақидаги SMS хабарни ўқиган Ш.И. шахси номаълум фуқаронинг шахсий профилига ёзишга уринган. Бу пайтда эса Ш.И. номаълум шахс билан боғлана олмаган ва SMS жўнатмалар тизими берк қилиб қўйилганига гувоҳ бўлган. Ва бу ҳақда зудлик билан ички ишлар идораларига маълум қилган.

Бухоро вилоят ИИБ ходимлари томонидан тезкорлик билан олиб борилган ўрганув ишлари натижасида номаълум фуқаро шахсига аниқлик киритилган. У фарғоналик 20 ёшли Ж.Н. эканига ойдинлик киритилган.

«Айни пайтда фарғоналик йигит билан тергов-суриштирув ишлари олиб борилиб, унга нисбатан Жиноят кодексининг 168-моддаси (фирибгарлик) билан иш қўзғатилган ҳолда дастлабки тергов ҳаракатлари олиб борилмоқда. Шу ўринда ижтимоий тармоқ фойдаланувчиларидан виртуал фирибгарлик ва ўғрилик жиноятларидан ҳушёр бўлишни талаб қиламиз», — дейди вилоят ИИБ ахборот хизмати раҳбари Шуҳрат Жалолов.

Изоҳ
Асосий янгиликлар
Дунё
«Кассета можароси» — Украина президенти кабинетига ўрнатилган диктофон, Антарктидага учган самолёт ҳалокати ва Теҳрон конференциясининг бошланиши. Кун хронологияси...
Маҳаллий
Ўзбекистонда сўнгги суткада 137 кишида коронавирус аниқланди
Дунё
Глобал талаб заифлашаётгани сабаб дунёда нархлар пасайиши кутилмоқда