Ер сайёрасида Гарри Поттернинг кўринмас плашидек жонзотлар борлигини биласизми? Улардан баъзилари мутлақо шаффоф ва фақат бир жуфт кўздангина «шиша» тери остида тирик мавжудот борлигини билиш мумкин.
Шиша капалак
Оддий капалаклардан фарқли равишда, у ёрқин рангларга эга эмас, лекин деярли шаффоф. У Грета Ото ёки шиша капалак деб аталади. Шаффоф қанотлар камуфляж сифатида ишлатилади.
Жарроҳ балиқ
Бу шаффоф балиқ таниш кўриняптими? Албатта, ахир бу «Немони излаб» мультфильмидаги Мартиннинг дўсти Дори-ку. Бу Acanthuridae оиласига мансуб ёш жарроҳ балиқ ҳисобланади. У увулдириқдан кейинги 55 кун давомида шаффоф бўлади. Вақт ўтиши билан у ривожланади ва кўк рангга айланади.
Португал кемаси
Ташқи жиҳатдан ўхшашлик бўлса-да, Португалия қайиғи ёки Physalia physalis медуза эмас. Унинг узун, заҳарли пайпаслагичлари бор, агар уларга тегиб кетсангиз, оғриқли куйишга олиб келади.
Тимсоҳсимон оққон балиғи
Тимсоҳсимон оқбалиқ оқ қонли балиқлар оиласига мансуб ва асосан Антарктидада яшайди. Унинг шаффоф танаси «оқ» қон, сарғиш плазма, нозик скелет ва оқ ойқулоқлардан иборат.
Денгиз крижовниги
Кичкина шиша тўпга ўхшаган ёқимли жонзот Pleurobrachia pileus деб аталади, лекин кўпинча «денгиз крижовниги» деб номланади. У 2,5 сантиметргача ўсиши мумкин. Унинг пайпаслагичлари танасидан 15-20 баравар узунроқ бўлиб, ундан ўлжани ўраб олиш учун фойдаланади.
Ушбу қисқичбақа Palaemonetes paludosus шиша қисқичбақа ёки шарпа қисқичбақа сифатида танилган. У АҚШнинг жануби-шарқида учрайди, тоза сувда, асосан, кўлларда яшайди ва планктон билан озиқланади. Айёр қисқичбақа шаффофлигидан камуфляж сифатида фойдаланади.
Салпид занжири
Салпидлар — занжир шаклидаги эркин сузувчи қобиқлардир. Уларни салплар ҳам дейишади. Салпидлар шаффоф танасини сиқиб, у орқали сув ўтказиб ҳаракатланади. Улар совуқ ва экваториал денгизларда яшайди. Улар якка ёки колония ҳолда яшайди, бунда улар узун занжир ҳосил қилади.
Cystisoma Neptuni қисқичбақаси
Cyptisoma Neptuni — чуқур денгизда яшайдиган ва шаффоф танага эга қисқичбақадир. Бу камуфляж унга йиртқичлардан яширинишга ёрдам беради. Фотосуратларда у фақат махсус чироқ ёрдамида кўринади.
Шиша саккизоёқ ёки Vitreledonella Richardi
Илмий тилда Vitreledonella Richardi деб номланган шиша саккизоёқ ҳайкалтарошлик намунасига ўхшайди, лекин у тирик жонзот. Бу мезопелаг саккизоёқларнинг Amphitretidae оиласига мансуб, танаси бутунлай шаффоф. У тропик сувларда яшайди. Бундай саккизоёқларнинг умумий узунлиги атиги 45 сантиметр бўлади.
Денгиз фариштаси
Денгиз фариштаси ёки шимолий клион — Шимолий яримшарнинг совуқ сувларида яшайдиган моллюска. У деярли шаффоф ва фаришта қанотларига ўхшагани учун шу ном берилган.
Шаффоф қобиқли шиллиққурт
Мазкур шаффоф шиллиққуртнинг илмий номи — Zospeum tholussum. 2012 йилда Хорватия ғорлари тубида кашф этилган ва бир йилдан сўнггина янги тур сифатида тан олинган. Бу жонзотлар одатда кўрмайди ва ўлчамлари 2 мм дан кам бўлади.
Изоҳ (0)