Токио—2020 Олимпиадасида медаллар сарҳисоби: Хитой катта фарқ билан олдинга ўтиб кетди, Ўзбекистон эса топ-50 да

Токио—2020 Олимпиадасининг 2 август кунги мусобақалари ўз якунига етди. Ёзги ўйинларнинг расмий ўнинчи кунида 20 та медаллар шодаси ўйналди.

Умумий рўйхатда ҳамон Хитой делегацияси пешқадамлик қилмоқда. Чин юрти вакиллари таъқибчилар билан орадаги фарқни оширишда давом этмоқда.

Ўзбекистон делегацияси биттадан олтин ва бронза билан умумий рўйхатда 45—48-ўринда бормоқда.

Шу вақтга қадар жами 591 та медал (188 тадан олтин ва кумуш, 217 та бронза) ўз эгаларига топширилди. 78 та мамлакат вакиллари камида биттадан совринга эга бўлди. Шунингдек, 55 та делегация, жумладан, Ўзбекистон ҳам ўз ҳисобига олтин медал ёздириб қўйган.