Бугун,

  • USD 11095.31
  • RUB 173.84
  • EUR 10772.44

Тошкент шаҳри Миробод туманида қизини сотиб юбормоқчи бўлган аёл қўлга олинди, дея хабар бермоқда шаҳар ИИБ ахборот хизмати.

Қайд этилишича, 2021 йилнинг 17 май куни Миробод тумани Авлиё ота кўчасида жойлашган кафелардан бирида Тошкент шаҳар ИИББ Терроризм ва экстремизмга қарши кураш бошқармаси ходимлари томонидан қўшни республикалик 43 ёшли О. (исмлар ўзгартирилган) 13 ёшли қизини 3500 АҚШ доллари эвазига сотмоқчи бўлганида қўлга олинди.

Маълум қилинишича, бундан аввал О. исмли аёл А. исмли қиз билан танишиб қолади. Суҳбат давомида О. муносиб иш топа олмаётгани, хонадони таъмирга муҳтожлиги, озиқ-овқатга пули етмаётгани ҳақида айтади ва А.дан 13 ёшли қизини сотишда ёрдам сўрайди.

Уйга қайтгач, А. юқоридаги ҳолат ҳақида тегишли органларга мурожаат қилади.

Эртаси куни О. ва А. шаҳар кафеларидан бирида учрашган ва О. ўсмир қизини пулга сотаётган вақтида ички ишлар органлари ходимлари томонидан қўлга олинган.

Мазкур факт бўйича жиноят иши қўзғатилди. Жиноятчига нисбатан тегишли чоралар кўрилди.

Бундан аввал Сурхондарёда 1 ёшли қизини 12,6 миллион сўмга сотишга уринган аёл қўлга олингани, Қашқадарёда 4 ёшли ўғлини 25 миллион сўмга сотишга уринган она ва унинг шериги ушлангани ҳамда Тошкентда 1 ёшли фарзандини 5 минг долларга сотишга уринган эр-хотин ушлангани ҳақида хабар берилганди.

Изоҳ
Асосий янгиликлар
Маҳаллий
Ўзбекистонда 2 декабрь куни 156 кишида коронавирус аниқланди
Маҳаллий
Жанубий Корея мамлакатда ишлаш ниятидаги ўзбекистонликлар учун квоталар сонини оширади
Дунё
«Ҳинд Чернобили» — Пхобалдаги техноген ҳалокат, Эрон олий раҳбарига айланган Ҳоманаий ва Совуқ урушга якун ясаган Ельцин—Буш. Кун хронологиясида 3 декабрь