Бугун,

  • USD 11095.31
  • RUB 173.84
  • EUR 10772.44

Тошкент вилоятининг Зангиота тумани ҳокимлиги «Ибрат» маҳалласида янги очилган болалар майдончасига ётқизилган яшил сунъий қопламалар (газон) майдонча очилиши маросимидан сўнг йиғиштириб кетилгани, болалар шағал устидаги майдончада қолгани ҳақида «Rost24.uz» хабарига изоҳ берди.

Фото: «Rost24.uz»

Фото: «Rost24.uz»

Хабарда айтилишича, бу ҳолат болаларнинг кўз ўнгида содир бўлган, майдончани қуришда Миллий гвардия, Зангиота туман ҳокимлиги ва Enter engineering компанияси масъул бўлган.

Фото: Enter Engineering матбуот хизмати

Фото: Enter Engineering матбуот хизмати

«Ёзги таътилни ҳисобга олган ҳолда болалар зерикиб қолмасликлари учун болалар майдончаси қисқа фурсатда фойдаланишга топширилди ва очилиш маросими бўлиб ўтди. Орадан бир ойдан ортиқ вақт ўтган, кун иссиқлиги сабабли ётқизилган чимлар яроқсиз ҳолга келган. Шу сабабли уларни алмаштириш мақсадида эски чимлар олиб ташланган. Янги чимлар жорий йил 1 августга қадар ётқизилиши режалаштирилган», — дея маълум қилган туман ҳокимлиги, шунингдек, «Ибрат» маҳалласида кенг кўламли ишлар олиб борилиши ҳали давом этаётгани таъкидланган.

Фото: «Ўзбекистон 24» репортажидан кадр

Фото: «Ўзбекистон 24» репортажидан кадр

Фото: «Rost24.uz»

Фото: «Rost24.uz»

Ҳокимликнинг билдиришича, «Ибрат» маҳалласи Зангиота тумани 4-сектор ҳудудида жойлашган бўлиб, «Миллий гвардия ташаббуси ва саъй-харакатлари билан Зангиота тумани ҳокимлиги билан ҳамкорликда ушбу маҳалла тубдан ўзгармоқда». Маҳаллада болалар учун майдонча бўлмаган. Миллий гвардия ташаббуси ва саъй-ҳаракатлари билан болалар майдончаси барпо этилган.

Изоҳ
Asosiy yangiliklar
Маҳаллий
«Ҳудудгазтаъминот» аҳолини газдан оқилона фойдаланишга чақирди
Маҳаллий
«Кимдир жавоб бериши, кимдир қусиши керак» — фаоллар газ ва электр муаммоси сабабчиларига жазо сўрамоқда
Маҳаллий
Тошкент вилоятида эр-хотин ва уларнинг уч ойлик чақалоғи ис газидан вафот этди