Bugun,

  • USD 11095.31
  • RUB 173.84
  • EUR 10772.44

Bolalarning shodon chehrasi, quvnoq kulgisini ko‘rganda zavqi kelmaydigan, qalbi yorishmaydigan odam bo‘lmasa kerak dunyoda. Bola quvonchi va kulgisi eng jiddiy, hattoki uncha-muncha toshbag‘ir kishining ham ko‘nglini yumshatadi. Ruhshunos olimlarning ta’kidlashicha, kulib turgan bolakaydan atrofga ijobiy quvvat yoyilar ekan.

Biz bir yo‘la yuzdan ortiq kulib, quvnayotgan bolajonlardan zavqlanib, ijobiy quvvatni his qildik. Bu bolajonlar Toshkent viloyati, Zangiota tumanidagi “Ibrat” mahallasida yashaydi va kechagina ular uchun mahalla hududida qurilgan chiroyli, zamonaviy arg‘imchoqlar, sirpanma, tirmashma qurilmalar, turli balandlikdagi turniklar bilan jihozlangan, yumshoq chim to‘shama yotqizilgan bolalar maydonchasi foydalanishga topshirildi. Maydonchaning tantanali ochilish marosimi haqiqiy shodiyonaga aylandi. Bolajonlar, ayniqsa, onalarning quvonchlari cheksiz edi.

Bu xayrli ish tashabbuskorlari O‘zbekiston Respublikasi Milliy gvardiyasi qo‘riqlash bosh boshqarmasi hamda Enter Engineering kompaniyalar guruhi bo‘lib, bu ikki tashkilot sa’y-harakati bilan “Ibrat” mahallasi hududidagi qarovsiz yotgan 300 kvadrat metrlik joy tozalanib, tekislandi va bolalar maydonchasi bunyod etildi. Bundan tashqari, maydoncha tevarak-atrofi obodonlashtirilib, yashil hudud barpo etildi.

“Mahallamizda aholi ehtiyoji uchun xizmat qiluvchi ko‘plab inshootlar bo‘lsada, aynan bolalar maydonchasi yo‘q edi. Aynan shunday joyga ehtiyojimiz juda katta edi. Bu maydoncha kichik yoshdagi bolalarimizning bog‘cha, maktabdan bo‘sh vaqtini mazmunli o‘tkazishi uchun xizmat qiladi. Bu xayrli ish tashabbuskori va tashkilotchisi bo‘lgan Enter Engineering kompaniyasi va boshqa mas’ullarga mahalladoshlarimiz nomidan minnatdorchilik bildiramiz”, — deydi “Ibrat” mahalla fuqarolar yig‘ini raisi Mashrabjon Qodirov.

Maydonchaning ochilishi munosabati bilan bo‘lib o‘tgan tantanali marosimda O‘zbekiston Respublikasi Milliy gvardiyasi qo‘mondoni o‘rinbosari polkovnik M. G‘aniyev, Milliy gvardiyaning Toshkent viloyati boshqarmasi boshlig‘i, polkovnik D. Nortojiyev, Toshkent viloyati hokimi o‘rinbosari, Mahalla va oilani qo‘llab-quvvatlash boshqarmasi boshlig‘i I. Ibragimov, Zangiota tumani Milliy gvardiyasi boshlig‘i, tuman hokimining o‘rinbosari S. Nosirov, tuman kengashi deputati Z. Boysariyev va Enter Engineering kompaniyalar guruhi PR-xizmati ishtirok etdi.

Enter Engineering matbuot xizmati

Izoh
Asosiy yangiliklar
Dunyo
“Daryo” kundaligida 9-dekabrda sodir bo‘lgan eng muhim voqealar
Dunyo
Qozog‘iston Rossiyaga zirhli texnika jo‘natishi haqida xabarlar tarqaldi (video)
Madaniyat
Shahzoda Garri va Megan Markl yangi hujjatli filmda Yelizavetta II ni masxaralab, qirollik oilasi a’zolarini irqchilikda aybladi (video)