Печда пишириладиган бақлажонли таом рецепти

Ушбу таомда гўшт, сабзавотлар ва пишлоқ ажойиб таъмни ҳосил қилади.

Керакли маҳсулотлар:

• бақлажон – 1 дона
• ўсимлик мойи – 3 ош қошиқ;
• гўшт – 150-200 грамм;
• пиёз – 1/2 дона;
• саримсоқ – 2 бўлак;
• булғори қалампири – 1/2 дона;
• қуритилган нон – 1-2 ош қошиқ;
• тухум – 1 дона;
• пишлоқ – 150 грамм;
• туз ва зираворлар.

1. Бақлажон узунасига икки қисмга бўлинади ва ичи ўйиб, қайиқча ҳосил қилинади.
2. Бақлажоннинг ўйиб олинган қисми сувда 8-10 дақиқа қайнатиб олинади.
3. Товага 1 ош қошиқ ёғ қуйиб, қиймаланган гўшт қовуриб олинади.
4. Бошқа товада саримсоқ, пиёз ва булғори 7 дақиқа давомида қовурилади.
5. Массага пиширилган бақлажон, сабзавотлар ва тухум солиб, аралаштирилади. Устидан пишлоқ қирғичда сепилади.  Туз ва зираворлар қўшилади.
6. Тайёр бўлган начинка бақлажонли қайиқчаларга солинади ва устидан пишлоқ сепилади.
7. Печда 175 даражада 45-50 дақиқа давомида пиширилади.