2021 йил ёзининг энг қиммат трансферлари
• «Манчестер Юнайтед» анчадан буён «Дортмунд»дан Жейдон Санчони сотиб олиш учун ҳаракат қилаётган эди. Ўтган йилги музокаралар салбий якунланганди. Энди эса ярим ҳимоячи Манчестерга қайтди. Тўғри, бир пайтлар Германияга кетиш учун тарк этган жамоаси «Манчестер Сити»га эмас, унинг қўшниси «Манчестер Юнайтед» сафига.
73 миллион фунт (85 миллион евро) — бу сумма баъзи шартлар бажарилса, яна 5 миллионга ошиши мумкин (қандай шартлар эканлиги номаълум, лекин Guardian’нинг ёзишича, уларни бажариш қийин бўлади).
• «Интер» молиявий муаммолар туфайли Ашраф Ҳакимини сотди (жамоа устози Антони Конте ҳам шу сабаб туфайли жамоани тарк этганди): ё уни, ё Лукакуни сотиш керак эди.
• «Бавария» Юлиан Нагелсманндан (бош мураббий) сўнг 2021 йил февралидаёқ Дайо Упамекано трансферини эълон қилганди. Лекин Дайо 1 июлдан жамоага келиб қўшилди.
• «Ливерпуль» бутун мавсум давомида марказий ҳимоя чизиғидаги муаммолардан азият чекди, шунинг учун 22 ёшли Ибраима Конате харид қилинди. У эса ўз рақамини аланга ва феерверклар орқали ноанъанавий тарзда намойиш этди.
• Эмилиано Буэндиа икки мавсум илгари «Норвич»нинг АПЛдаги кўзга кўринган футболчиларидан бири эди, аммо клуб қуйи дивизионга тушиб кетди. Аргентиналик футболчи қолишга қарор қилди ва Теэму Пукки иккаласи бир мавсумдан сўнг жамоани элитага қайтарди. Буэндиа гол+пас тизимида 31 очко жамғарди. Футболчига «Астон Вилла» ва «Арсенал» анчадан буён қизиқиш билдираётганди. Кутилмаганда Эмилиано «Астон Вилла»ларни танлади.
• Родриго де Пауль бу рўйхатда 25 ёшдан катта (27) ягона футболчи. Ўтган мавсумда «Удинезе» сардори жамоаси голларининг деярли ярмида иштирок этди (42 тадан 18 та). Яқинда Месси билан бирга Америка Кубоги совринини ҳам қўлга киритди. «Атлетико», «Ливерпуль» ва «Ювентус» каби гранд жамоалар футболчини ўз сафига қўшиб олиш учун ҳаракат қилди. Де Пауль эса Диего Симеоне жамоасини танлади.
• Пэтсон Дака баҳордаёқ топ-жамоалар эътиборини тортганди. Футболчи ушбу мавсумда Австрия Бундеслигасини «портлатди»: 28 ўйинда 27 та гол уриб, катта фарқ билан чемпионат тўпурарига айланди. Апрель ойида эса 8 дақиқа ичида ҳет-трикка эришганди. Янги мавсумдан эса «Лестер» сафида жавлон уриши кутилмоқда.
• Жуда кучли рақобат туфайли «Челси»да Фикайо Томорига имкон берилмади. Шунинг учун у «Милан»га ижарага берилди. Фикайо ўзига нотаниш бўлган чемпионатга ташриф буюрди ва дарҳол жамоа сардори Алессио Романьолини захирага михлаб қўйди. Ярим йил ичида миланликларнинг асосий марказий ҳимоячисига айланиб олди. «Милан» уни сотиб олишга қарор қилди.
• Жерсон Сантос 2016/17 йилги мавсумда «Рома»да ўйнаган эди, аммо бразилиялик футболчи 64 ўйинда 3 та гол урганидан сўнг ватанига қайтиб кетишга мажбур бўлганди. Унда Европада тўп суриш учун иккинчи имконият пайдо бўляпти — бу сафар Францияда. Бразилиялик футболчига «Марсель»дан ташқари «Челси» ва «Тоттенҳэм» қизиқиш билдирганди.
• 8 ёшидан буён «Челси» тизимида таълим олиб келган марказий ҳимоячи Марк Геи асосий жамоа учун икки марта Лига Кубоги мусобақасида майдонга тушган. «Суонси»даги муваффақиятли ижарадан сўнг Марк Англияга мураббий сифатида Патрик Виейранинг «Крестал Пэлас»даги илк трансферига айланди.
• Андре Сильва ўтган мавсум 32 ўйинда 28 та гол уриб, Левандовскидан кейин Бундеслиганинг иккинчи тўпурарига айланди. У тўп сурадиган «Айнтрахт»нинг Чемпионлар Лигасига йўлланма олишига оз қолди. «Манчестер Юнайтед», «Атлетико», «Реал», «Барселона», «Манчестер Сити» каби жамоалар футболчини харид қилиш учун кураш олиб бораётган эди. Аммо Сильва Бундеслигани тарк этишни хоҳламади ва «Лейпциг»га ўтишга қарор қилди.
• Николас Гонсалес «Штутгарт»да мавсумни кўнгилдагидек ўтказа олмади (15 ўйинда 6 та гол), лекин Америка Кубогида Аргентина учун фойдаси тегди. 23 ёшли ярим ҳимоячи учун «ЦСКА» ва «Тоттенҳэм» даъвогарлик қилаётганди. Гонсалес Италияга кетишга қарор қилди ва «Фиорентина» таклифини қабул қилди.Ёзнинг энг яхши бепул трансферлари
• «Бавария»даги 11 йиллик фаолиятидан сўнг Давид Алаба Мюнхенни тарк этди. Давид эркин агент сифатида «Реал»га ўтди ва Серхио Рамоснинг 4-рақамига эга чиқди.
• Ёзнинг энг жарангдор трансферларидан бири — нидерландиялик Мемфис Депайнинг «Барселона» сафига ўтиши бўлди. Футболчи Евро—2020 да 2 та гол урди ва ўтган мавсум Франция чемпионатида гол+пас тизимида 32 очко жамғарди.
• Яна бир нидерландиялик футболчи Жоржиньо Вейналдум «Ливерпуль»дан эркин агент сифатида кетди. Анча пайт «Барселона» билан алоқада бўлиб, сўнгги паллада Парижга йўл олди. Футболчининг сўзларига қараганда, «ПСЖ»нинг лойиҳаси уни қизиқтирган.
• Энг кутилмаган трансферлардан бири Хоқон Чалхонўғлунинг «Интер»га ўтиши бўлди. «Милан» билан шартномаси якунига етган футболчи «неразуррилар»ни танлади. «Интер» ва «Милан» ўртасидаги трансферлар аллақачон одатий ҳолга айланган бўлса-да, бу ҳодиса барибир мухлисларни ғазаблантиради.
• Серхио Агуэронинг «Барса»га ўтиши барча учун кутилмаган жумбоққа айланди. 33 ёшли футболчи каталонияликларга нега керак эди? Серхионинг Месси билан дўстлиги бу ерда катта рол ўйнаган бўлиши мумкин. Клубга қайтган эски-янги президент Хоан Лапорта Леони жамоада олиб қолиш учун қўлидан келган ҳамма нарсани қиляпти.
• «Барселона» учун энг фойдали трансфер — 19 ёшли Эрик Гарсия бўлди. Футболчи «Манчестер Сити»да икки мавсум давомида 19 та ўйинда иштирок этган бўлишига қарамасдан, «Барселона» ҳимояси учун аниқ асқатади. Шартномага кўра, Гарсияни сотиб олмоқчи бўлган жамоа «Барселона»га 400 миллион евро тўлаши керак бўлади.
• 35 ёшли Серхио Рамоснинг «Реал»дан кетиши — мухлислар учун қайғули ҳодиса бўлди. Сардор Мадридда 15 йилини ўтказди ва Ла Лигада XXI асрда ўйнаган ҳимоячилар ичида тўпурарга айланди. Серхио янги шартнома икки йиллик бўлишини хоҳлаган эди, Флорентино Перес эса бир йиллик шартнома таклиф қилди. Шу тариқа Рамос раҳбарият билан келиша олмади ва жамоани тарк этди. «ПСЖ» унга ўзи истаган шароитни яратиб бермоқда.
Изоҳ (0)