Ҳафта давомида олинган сара суратларни намойиш этамиз.

Мексика денгиз флоти аъзоси Мехико шаҳридаги спорт саройида COVID-19 эмлаш тадбирида қўриқчилик қилмоқда.

Фото: AFP

Тошкентда «Марказий ва Жанубий Осиё: минтақавий боғлиқлик. Таҳдидлар ва имкониятлар» мавзусида халқаро конференция бўлиб ўтди. Суратда: Туркия ташқи ишлар вазири Мевлут Чавушўғлу ҳамда Буюк Британиянинг Жанубий Осиё ва Ҳамдўстлик ишлари бўйича давлат вазири Лорд Тарик Аҳмад Уимблондский.

Фото: «Дарё» / Мадина Нурман

Мавзуга доир: Россия ташқи ишлар вазири АҚШнинг афғон ҳарбийларини жойлаштириш режаси бўйича Марказий Осиё давлатлари тўғри қарор қабул қилишига умид билдирди

Париждаги Эйфель минорасида Бастилия қулаши куни шарафига уюштирилган мушакбозлик.

Фото: Getty Images

Мавзуга доир: Буюк Француз инқилобининг бошланиши. 14 июль Бастилия қулаган кун

Мактаб таътилида Вестминстер ибодатхонасининг хорчилари футбол ўйнамоқда.

Фото: «ТАСС»

Хитойдаги аквапаркда дам олувчилар сув ёрдамида юқорига кўтарилувчи мослама билан ҳаракатланаётган одамни томоша қилмоқда.

Фото: Getty Images

Хитойнинг Тайчоу шаҳри яқинидаги қишлоқда ўтлар қуритилмоқда.

Фото: Getty Images

Жазирама оқибатида Калифорния ўрмонлари ҳафта давомида олов ичида қолди. Ёнғин майдони кенгайиб аҳоли турар жойларигача етиб борди.

Фото: AP Photo

Мавзуга доир: Фоторепортаж: Калифорнияда кенг миқёсли ўрмон ёнғинлари бошланди

АҚШнинг Колорадо штатидаги Родео мусобақаси. Ушбу экстремал спорт тури Испания ва Шимолий Америкада кенг тарқалган.

Фото: Getty Images

Косонсойга келган сел вақтида сой ўртасида қолиб кетган одамлар. Сел оқибатида вафот этганлар сони 9 нафарга етди.

Фото: Telegram / Косонсой

Мавзуга доир: Косонсой соҳилларида ноқонуний қурилган 100 га яқин бино ва қурилмалар буздирилди

Лондонда «Қилич ва тож» мусиқий саҳна кўринишининг репетиция жараёни кетмоқда.

Фото: Getty Images

Манчестердаги футболчи Маркус Рашфорд акс этган девор олдида Black Lives Matter ҳаракатини қўллаб-қувватлаш учун тиз чўкаётган киши. Рашфорд ва футбол бўйича Англия терма жамоасидаги яна икки қора танли футболчи жамоанинг Евро-2020 финалида Италияга қарши пенальтилар сериясида гол уролмаганидан сўнг ижтимоий тармоқларда ирқчилик акс этган ҳақоратлар нишонига айланди.

Фото: Getty Images

Мавзуга доир: «Самовий» пулларнинг таъсири, муғомбирлашиб кетаётган ўйинчилар ва рақобатсиз лигалар. Футбол ростдан ҳам ўз жозибасини йўқотмоқдами?

Европанинг яна бир мамлакати – Шимолий Македонияда ҳам жазирама об-ҳаво кузатилмоқда. Аҳоли салқинланиш учун сув ҳавзаси ва дарёлар яқинида тўпланмоқда.

Фото: EPA

Эфиопиянинг Дабат қишлоғи яқинидаги Эритрея қочқинлари учун бўлажак лагер жойлашадиган жойда дарахт остида турган болалар.

Фото: AFP

Футбол бўйича Италия терма жамоасининг мухлислари Евро-2020 финалида Англияга қарши ўйиндаги ғалабадан кейин Римда байрам қилмоқда.

Фото: Shutterstock

Мавзуга доир: Олимпиадада Ўзбекистон байроқдори бўладиган илк аёл, яна легионерга айланган Сардор Рашидов ва «Ювентус»да қолишга қарор қилган Роналду. Энг сўнгги спорт янгиликлари

Канаданинг Калгари шаҳрида ўтказилаётган родео мусобақасининг америкалик қатнашчиси.

Фото: Reuters

Гаванада Куба президенти Мигель Диаз-Канелга қарши намойиш пайтида кўчада ағдарилган полиция машиналари. Минглаб кубаликлар бу ҳафта коммунистик ҳукуматга қарши камдан кам учрайдиган норозилик намойишларида қатнашиб, «биз озодликни истаймиз» шиорлари билан шаҳар бўйлаб намойиш ўтказди.

Фото: AFP

Мавзуга доир: Кубада 30 йил ичидаги энг йирик намойишлар бўлиб ўтди. Аҳоли коронавирусга қарши вакцина талаб қилди

Эроннинг Теҳрон шаҳрида жазирама оқибатида электр энергиясидаги узилишлари сабаб шам ёруғида овқатланаётган одамлар.

Фото: Getty Images

Мавзуга доир: «Эски ускуналар янги қувватларга бардош бера олмаяпти». Энергетика вазирлиги электр таъминотидаги узилишлар ҳақида

Жанубий Африканинг собиқ президенти Жейкоб Зуманинг қамоққа олиниши ортидан тартибсизлик авж олди. Суратда: одамлар ёнаётган омбор яқинидаги ҳудудни талон-торож қилмоқда.

Фото: Reuters

Tour de France велопойгасининг 14-босқичида Каркассон ва Квилан шаҳарлари ўртасида ҳаракатланиб кетаётган спортчилар.

Фото: AFP

Россиянинг Санкт-Петербург марказидан ўтган каналда стенд-тахталар билан ҳаракат қилаётган одамлар.

Фото: AP Photo

Британиялик миллиардер Ричард Брансон ва экипажни ўз ичига олган Virgin Galactic компаниясининг ракетасида ҳаракатланадиган VSS Unity йўловчи космик самолёти Spaceport America фазопортидан илк парвозини амалга оширди.

Фото: Reuters

Мавзуга доир: Маск ва Безос Бренсонни коинот чегарасига муваффақиятли парвози билан табриклади

Chamonix Guides Company аъзолари Mont Blan тоғи яқинидаги Франция ва Италия ўртасида жойлашган чўққини забт қилмоқда.

Фото: AFP

Ғарбий Европада содир бўлган кучли ёмғир ва тошқинлардан сўнг Бельгиянинг Вервиер шаҳрида сув оқизиб кетиши натижасида тўқнашган машиналар.

Фото: AFP

Мавзуга доир: Германияда сув тошқини туфайли 80 киши ҳалок бўлди, 1,3 минг киши бедарак йўқолди

Покистонлик савдогар буқани Қурбон ҳайити арафасида бозорга олиб бориш мақсадида уй томидан пастга тушириш учун крандан фойдаланмоқда.

Фото: Getty Images

Мавзуга доир: Ўзбекистонда Қурбон ҳайити намози ўқилиши бекор қилинди. Жума намозлари ҳам вақтинча ўқилмайди

Shankill Protestant Flute гуруҳи барабанчиси Шимолий Ирландиянинг Бельфаст шаҳрида ҳар йили ўтказиладиган 12 июль маршида қатнашмоқда.

Фото: Getty Images

Сариқ фурболка кийиб олган БААнинг Emirates жамоаси вакили словениялик Тадеж Погачар Tour de France’нинг 17-босқичида маррага етиб келаётганини нишонламоқда.

Фото: AFP

Ливанда полициячи 2020 йили Байрут денгиз портида содир бўлган кучли портлашда ҳалок бўлганларнинг қариндошлари тарафдорини калтакламоқда. Мамлакатда ўша воқеадан бери ҳукуматга қарши норозилик намойишлари ўтказилиб келинади.

Фото: AP Photo

Аввалги кунларнинг фотогалереялари: