Ўзбекистонда 20 июлдан бошлаб ошхона, чойхона ва ресторанларга фақат очиқ ҳавода ишлашга рухсат берилади

Ўзбекистонда умумий овқатланиш объектлари фаолиятига қўшимча чекловлар киритилди.

Республика махсус комиссиясининг қарори билан 2021 йилнинг 28 июнидан республика бўйича кўнгилочар объектлар – ресторан, тунги клублар, дискотека, караоке, бильярд заллари ва компьютер ўйинлари марказлари ҳамда умумий овқатланиш объектлари – кафе, ошхона ва чойхоналарнинг ишлашига соат 8:00 дан 20:00 гача рухсат берилган эди.

Қайд этилишича, шу йилнинг 20 июлидан бошлаб, умумий овқатланиш объектлари – ресторан, кафе, ошхона ва чойхоналарни соат 08:00 дан 20:00 гача фақатгина очиқ ҳавода ишлашига рухсат берилади.

Бундан аввал Ўзбекистонда 18 ёшдан ошган 14 та тоифадаги фуқаролар коронавирусга қарши эмланиши шарт этиб белгилангани, Ўзбекистонда ОТМларга кириш тест синовлари ҳам очиқ майдонларда ўтказилиши ҳамда Ўзбекистонда Қурбон ҳайити намози ўқилиши бекор қилингани ҳақида хабар берилганди.