Бугун,

  • USD 10940.05
  • RUB 182.26
  • EUR 11121.65

ZTE компанияси YouCare номи остида янги «ақлли» футболкасини тақдим этди. У инсон организмидаги бир нечта муҳим биомаркерларни қайд этиш ва уни 5G орқали узатишга қодир, деб хабар беради «Korrespondent.net».

Фото: Gizmochina

Фото: Gizmochina

Италияда яратилган YouCare матодан ишланган ва ювишга бардошли.

Ихтирочиларнинг таъкидлашича, кийим полимердан ишланган кўзга ташланмас датчиклар ёрдамида инсон соғлиғининг муҳим параметрларини аниқлаб беради. Қайд этилишича, митти бошқарув элементи маълумотларни тўплайди, уни икки йўналишли платформага — смартфон ёки «ақлли» соатга узатиб, рақамли форматга айлантиради.

Бундан ташқари, маълумотлар масофавий қурилмаларга ҳам узатилиши мумкин.

Футболка нафас олишни таҳлил қилади, электрокардиограммани ўлчайди, тер ажралиши ва мушаклар фаоллигини қайд этиб боради.

Эслатиб ўтамиз, 2020 йилнинг октябрида Xiaomi компанияси MIJIA Sports ECG T-Shirt футболкасини сотувга чиқарган эди. Янги футболка ЭКГ датчикка эга бўлиб, машғулот пайтида инсоннинг юрак уриши ва пулсини ўлчай олади.

Изоҳ
Асосий янгиликлар