ZTE kompaniyasi YouCare nomi ostida yangi “aqlli” futbolkasini taqdim etdi. U inson organizmidagi bir nechta muhim biomarkerlarni qayd etish va uni 5G orqali uzatishga qodir, deb xabar beradi “Korrespondent.net”.
Italiyada yaratilgan YouCare matodan ishlangan va yuvishga bardoshli.
Ixtirochilarning ta’kidlashicha, kiyim polimerdan ishlangan ko‘zga tashlanmas datchiklar yordamida inson sog‘lig‘ining muhim parametrlarini aniqlab beradi. Qayd etilishicha, mitti boshqaruv elementi ma’lumotlarni to‘playdi, uni ikki yo‘nalishli platformaga — smartfon yoki “aqlli” soatga uzatib, raqamli formatga aylantiradi.
Bundan tashqari, ma’lumotlar masofaviy qurilmalarga ham uzatilishi mumkin.
Futbolka nafas olishni tahlil qiladi, elektrokardiogrammani o‘lchaydi, ter ajralishi va mushaklar faolligini qayd etib boradi.
Eslatib o‘tamiz, 2020-yilning oktabrida Xiaomi kompaniyasi MIJIA Sports ECG T-Shirt futbolkasini sotuvga chiqargan edi. Yangi futbolka EKG datchikka ega bo‘lib, mashg‘ulot paytida insonning yurak urishi va pulsini o‘lchay oladi.
Izoh (0)