Евро—2020 чорак финалининг кутилган ва кутилмаган иштирокчилари, де Бур кетди, Дешам эса қолади. Энг сўнгги спорт янгиликлари

Дунё ва ўзбек спортига оид 30 июнь тонгининг муҳим хабарлари дайжести билан танишинг.

Ўзбекистон

Профессионал футбол Лигаси Суперлига 12-тур учрашувларининг бошланиш вақтларини маълум қилди. 2—4 июль кунлари мусобақанинг навбатдаги тур ўйинлар бўлиб ўтади.

Ўйинлар рўйхати билан танишинг:

Жаҳон

Евро—2020 1/8 финалидан ўрин олган барча ўйинлар якунланди ва чорак финал жуфтликлари маълум бўлди:

Англия 1/8 финалда Германиядан устун келди. Шу тариқа «ўлим гуруҳи» деб аталган F гуруҳининг барча вакиллари (Франция, Португалия, Германия, Венгрия) мусобақани тарк этди. Англия Евро тарихида иккинчи марта плей-офф баҳсини асосий вақтдаги ғалаба билан якунлади. Гарет Саутгейт шогирдлари Евро—2020 даги дастлабки тўртта ўйинда гол ўтказмади. Англия ЖЧ—1966 ни шундай бошлаган ва якунда мусобақа ғолибига айланганди.

Йоахим Лёв Германия терма жамоаси бошқарувидаги сўнгги ўйинини ўтказди. Мутахассис ЖЧ—2014 даги чемпионликдан кейин бирор марта йирик мусобақа финалига чиқа олмади. Германиянинг кейинги мураббийи «Бавария» собиқ устози Ҳанс Дитер Флик бўлади.

Швецияни мусобақадан чиқариб юборган Украина илк бор Европа чемпионати чорак финалига йўл олди. Бир вақтлар ЖЧ—2006 чорак финалига қадар етиб борган Украинанинг сардори бўлган Андрей Шевченко бу сафар мураббий сифатида жамоасини ¼ финалга олиб чиқди.

Евро—2020 даги қониқарсиз натижадан кейин Нидерландия терма жамоаси бош мураббийи Франк де Бур истеъфога чиқарилди. 51 ёшли мутахассис 2020 йилнинг сентябрида терма жамоани қабул қилиб олганди.

Франция устози Дидье Дешам эса Швейцарияга қарши ўйиндаги сенсацион мағлубиятдан кейин ҳам ўз лавозимида қолади, дея хабар қилмоқда ESPN. Келаси ҳафта мутахассис Франция футбол федерация президенти билан учрашади. Ўшанда унинг тақдири ҳал бўлиши кутилмоқда.

Трансфер янгиликлари

«Рома» ҳимоячиси Леонардо Спинаццола бир қатор гранд клублар қизиқишларига сабаб бўлмоқда. Жанлука ди Марциога кўра, футболчи борасида «Реал», «Барселона» ва «ПСЖ» каби клублардан сўров юборилган. Италия терма жамоаси вакили Евро—2020 да икки бор учрашувнинг энг яхши ўйинчиси номига лойиқ кўрилди.

«Барселона» трансфер ойнасида фаолликни давом эттирмоқда. Жамоа ярим ҳимоячиси Конрад де ла Фуэнте «Лион»га сотиб юборилди. Хабарларга кўра, француз клуби футболчи трансфери учун 3,5 миллион евро тўлаган. Шунингдек, каталонлар 2020 йилнинг ёзида 7 миллион евро эвазига сотиб олинган Матеус Фернандес билан шартномани бекор қилди. Футболчи 2020/21 йилги мавсумда асосий жамоада бор-йўғи 17 дақиқада ҳаракат қилганди.

«Манчестер Юнайтед» Жейдон Санчо трансферини шу ҳафта ҳал қилади, дея хабар қилмоқда The Telegraph. Инглиз клуби трансфер учун 90 миллион евродан кўпроқ пул сарфлайди. 21 ёшли футболчи Англия Евро—2020 даги иштирокини якунлагандан кейин Манчестер клуби учун тиббий кўрикдан ўтади. «Манчестер Сити» ушбу трансфер суммасидан 15% улушга эга бўлади.