Nokia 105 ва Nokia 110: энг арзон тугмали телефонлар тақдим этилди
Nokia бренди остида 4G технологиясини қўллаб-қувватлайдиган энг арзон телефонлар тақдим этилди, деб хабар беради Hi-Tech.Mail.ru.
Иккала янги моделнинг ўзига хос жиҳатларидан бири — 4G VоLTE тармоқларида юқори аниқликда овозни узата олиш имконияти.
Ихчам Nokia 105 4G моделига 1,8 дюймли QQVGA (120х160 пиксел) экран ва сиғими 1020 мА/соатга тенг аккумулятор ўрнатилган. Шунингдек, фонар ва FM-радио ҳам мавжуд. Меню ва шрифтларни катталаштириш, шунингдек, экрандаги матнлар ва фойдаланувчи ҳаракатларини овоз чиқариб ўқийдиган функциялари ҳам мавжуд.
Nokia 105 4G нархи 2690 рублни (37 доллар) ташкил этади.
Nokia 110 4G’нинг эса функциялари кўпроқ: камера, фонар, классик ўйинлар, интернет, FM-радио (наушниклар билан ва уларсиз ҳам ишлай олади), видеоплеер, шунингдек, МP3-плеер ва 32 гигабайтгача MicroSD хотирасини қўллаб-қувватлаш. Қолган жиҳатлари билан у Nokia 105’дан фарқ қилмайди.
Nokia 110 4G моделининг сариқ, қора ва феруза рангларини 2990 рублга (41 доллар) харид қилиш мумкин.
Мавзуга доир:
