Турк сериаллари дунёни забт этиб келмоқда. Фильмлардаги келишган актёрлар барча мамлакатлардаги миллионлаб қизларнинг орзусига айланган. Афсуски, бундай таниқли актёрларнинг деярли барчаси оила қурган ёки севгисини аллақачон учратган.
Бурак Ўзчивит ва Фахрие Эвжен
Бурак Ўзчивит бир неча бор энг келишган турк актёри сифатида эътироф этилган ва у ҳанузгача Голливудда эмас, фақат ватанида бундай унвонлари билан юргани ажабланарли. Унинг арсеналида ўнлаб фильмлар: «Муҳташам юз йил», «Чолиқуши» каби романтик драмалар талайгина. Айнан шу сериалнинг суратга олиш жараёнларида Бурак ўзининг тақдири — актриса Фахрие Эвжен билан танишган.
Юлдузларнинг ишқий романтикаси ўткинчи севги эмас, балки жиддий муносабатга айланган. Бурак ва Фахрие 2017 йилда турмуш қурган ва икки йилдан сўнг уларнинг тўнғич ўғли Каран дунёга келган.
Меҳмет Гунсур ва Катерина Можио
«Муҳташам юз йил»нинг яна бир машҳур актёри Меҳмет Гунсур 15 йилдан ортиқ вақт давомида италиялик ҳужжатли фильмлар кинорежиссёри Катерина Можио билан бахтли ҳаёт кечириб келмоқда. Айтишларича, Меҳмет Катеринани биринчи кўришдаёқ севиб қолган. Улар дунёнинг турли бурчакларидан эканликлари ва турли хил динларга эътиқод қилишларига қарамай, дарҳол унга уйланишга қарор қилган. Ҳатто Можионинг актёрдан 10 см баландроқ бўйи ҳам бунга тўсқинлик қила олмаган.
Ҳозирда жуфтлик уч фарзандни вояга етказмоқда, аммо улар оилавий фотосуратларни ижтимоий тармоқларда деярли намойиш этмайди. Улар айтганидек, бахт сукутни яхши кўради, уларнинг турмушлари бунга ёрқин мисолдир.
Чағлар Эртуғрул ва Кайла Манукян
Кино соҳасида ўзини синаб кўришдан олдин Чағлар кўп йиллар давомида модель сифатида ишлаган, шунингдек, механик муҳандис дипломини олган. Кўринишидан, Чағлар юлдузга айланишини хаёлига ҳам келтирмаган. Эҳтимол, шунинг учун ҳам у ҳали оммага шахсий ҳаёти ҳақида гапиришга одатланолмаётгандир. Шу сабабли актёрни кўпинча ёлғиз деб ҳисоблашади. Аслида у кўп йиллардан бери стилист Кайла Манукян билан бахтли ҳаёт кечирмоқда.
Анча йиллар аввал Кайла Чағларни таниқли актриса Мерем Узерли билан бўлган муносабати туфайли ташлаб кетгани ҳақида миш-мишлар тарқалган эди. Аммо актёрнинг ўзи бу гапларни инкор этган ва мухлисларига у севгилисини тарк этмоқчи эмаслигини доимо такрорлайди.
Киванч Татлилуғ ва Башак Дизер
Киванч Татлилуғ мода оламининг гўзалига уйланган. Ва бу ажабланарли эмас, чунки унинг ўзи кино соҳасида ишлашидан аввал, 2002 йилда дунёнинг энг яхши эркак модели унвонига сазовор бўлган.
Уларнинг муносабатлари Киванч 10 йилдан бери муносабатда бўлган «Дунё гўзали—2002» актрисаси Азра Акин билан ажралишганидан сўнг бошланган. Татлилуғ ва Дизер 2016 йилда турмуш қуришган бўлса-да, ҳали фарзанд кўришга шошилмаяпти. Умуман олганда, Башак бундай турмуш ўртоқ билан қийналиши турган гап: унинг келишган эри ҳар доим бошқа актрисалар билан ишқий саҳналарда роль ўйнайди. Аммо стилист рафиқасининг айтишича, у эрини умуман рашк қилмайди. Бунга ишониш қийин, албатта.
Чағатай Улусой ва Дуйгу Саришин
Авваллари модель бўлган актёр ва бу соҳада кўплаб мукофотларга сазовор бўлган ҳамда жаҳон кинематографиясининг энг жозибали эркаклари рейтингига киради. Бундай келишган эркакнинг севгилиси бўлиш қийин — айниқса, аёл ҳам муваффақиятли эрнинг сояси эмас, балки суперюлдуз бўлишни хоҳласа.
Шунинг учун Чағатай ва «Ичкарида» телесериалидаги ҳамкасби (2016—2017) Дуйгу Саришин ўртасидаги муносабатлар жуда чигал. Баъзида улар фақат дўст эканликлари ҳақида гапиради, баъзан эса севишларини тан олиб, бирга яшайди. Улар ҳам бир неча бор ажралишга улгурган — масалан, Улусой Қўшма Штатларда карьерасини давом эттириш учун кетганида.
Керим Бурсим ва Ханде Эрчел
«Эшигимни тақиллат» сериалида ишбилармон йигит ва гулчи қиз образини гавдалантирган актёрлар ҳақиқий ҳаётда ҳам бир-бирларини севишларини доим рад этиб келган. Шунга қарамай, фильмнинг янги мавсумини суратга олишдан олдин Керим ва Ханде биргаликда таътилга чиқди ва папарацилардан яширинишни уддаламоқда.
Балки, бу муносабатлар никоҳ билан мустаҳкамланар! Бундан ташқари, мухлислар азалдан Керимга бахт тилайди. Унинг бир неча марта фильмдаги партнёрлари билан бўлган севги қиссаси ижобий якун топмаган. Муносабатлар унаштирувгача борган, аммо маросим бекор қилинган.
Мавзуга доир:
- Турк актёри Керем Бурсин илк марта ҳамкасби Ханде Эрчел билан қандай муносабатда эканлиги ҳақида сўзлаб берди
- Турк актёри Ҳалит Эргенчнинг ҳаёти «Муҳташам юз йил»дан кейин қанчалик ўзгарди?
- Турк киносининг севгисини сақлаб қололмаган юлдузли жуфтликлари (фото)
- Турк актрисаси Ханде Эрчел Instagram’даги обуначилари сони бўйича Неслиҳан Атагул ва Фаҳрие Эвженни ортда қолдирди
- Турк киносининг машҳур жуфтликлари бўш вақтини қандай ўтказади? (фото)