Қашқадарёда одамларнинг қўй-қўзиларини бўғизлаб кетган номаълум ҳайвон маҳаллий аҳоли томонидан ўлдирилди (фото)

Қамаши тумани «Пасттол» қишлоғи «Бобуртепа» маҳалласида 14 май куни номаълум ҳайвон маҳаллий аҳоли вакиллари томонидан уриб ўлдирилди. Бу ҳақда «Nasafnews» хабар берди.

Маълум бўлишича, ҳайвон қишлоқдаги қўй-қўзиларни кўп маротаба бўғизлаб кетган. Аҳоли эса бунинг сабабини билмаган.

Маълум қилинишича, қишлоқ раиси номаълум махлуқни «Чупакабра» деб тахмин қилган.

«Қишлоқда 10 талар қўзини еди биринчи. Бизлар кучук еганми деб, ушлай олмай юргандик. Фуқароларимиздан бирининг ҳовлисига кирганда ушлаб, кеча ҳайвонни ўлдиришибди», – дейди раис.

Бундан аввал Касбида яшовчи аҳоли туман масъуллари инкор этган махлуқ ҳамон уларга зарар етказаётганини, масъуллар буни инкор этишдан нарига ўтмаётгани, Қашқадарёда аҳолининг қўй ва эчкиларини бўғизлаб кетаётгани айтилган номаълум ҳайвон одамлар томонидан уриб ўлдирилгани ҳамда Наманганда номаълум махлуқнинг скелети топилгани ҳақида хабар берилганди.