Аёл киши биринчи марта The Washington Post бош муҳаррири бўлди

Журналист Салли Базби The Washington Post газетасининг бош муҳаррири лавозимини эгаллаган биринчи аёл бўлди.

«Салли Базби катта ютуқлар ва халқаро янгиликлар ташкилотига раҳбарлик қилишда ниҳоятда бой тажрибага эга», — деди The Washington Post’нинг ижрочи директори Фред Райан.

Sally Buzbee of the Associated Press named executive editor of The Washington Post, the first woman to lead the newsroom https://t.co/ZbmtLTpKeU

— The Washington Post (@washingtonpost) May 11, 2021

Базби 1988 йилдан бошлаб Associated Press агентлигида аввал мухбир, кейинроқ бюро раҳбари сифатида фаолият юритган. 2017 йилда у агентликнинг бош муҳаррири этиб тайинланган. У рақамли сторителлинг ва суриштирувларни ривожлантиришга катта ҳисса қўшган, 2019 йилда эса Associated Press Яман урушидаги ваҳшийликларни ёритгани учун Пулицер мукофотига лойиқ кўрилган.

«The Washington Post газетаси рақамли оммавий ахборот воситаларида етакчи ўринни эгаллаган бой журналистик меросга эга ташкилот ҳисобланади... Бундай ажойиб журналистлар гуруҳини бошқариш мени учун шараф», — деди Базби.

У 1 июнь куни иш бошлайди ва февраль ойининг охирида газетани тарк этган Марти Барон ўрнини эгаллайди. Associated Press’да вице-президент ва бошқарувчи директор Брайан Каровиллано ва вице-президент Дэвид Скотт бош муҳаррирнинг вазифаларини бўлиб олади.