Бўянишни жуда яхши билганингиз ва барча лайфхакларга амал қилган тақдирингизда ҳам макияжингиз кўнгилдек чиқмаслигига сиз эътибор бермаётган жиҳатлар сабаб бўлиши мумкин.
Фото: Cosmopolitan
Қошларни ҳаддан ортиқ тўқ бўяш
Табиий қалин қошлар урфда экани рост, лекин кўпчилик трендда бўламан деб қошларни қалин ва тўқ бўяб кулгили кўринишга эга бўлади. Шу сабаб ҳам меъёрни билиш макияж қилганда ошириб юбормаслик керак.
Суркалган подводка
Подводка суртилганидан 2-3 соат ўтиб юқори қовоққа чапланиши тартибсиз кўринишга сабаб бўлади. Бундай ҳолат айниқса териси ёғли аёллар суюқ подводкадан фойдаланганда кузатилиши мумкин. Вақтида пайқаш ва эътибор бериш ва дарҳол тартибга келтириш зарур. Бу ҳолат қайта такрорланмаслиги учун подводкадан аввал қовоқларга қуруқ тень суртиш керак.
Фото: Cosmopolitan
Оч помада ва тўқ румяна
Ҳеч нима макияжни бир-бирга тўғри келмайдиган ранглардан фойдаланишчалик бузмайди. Энг кўп тарқалган хатолардан бири лаб бўёғининг оч ранглиси ва румянани тўқ ранги ёки аксинча макияж қилиш ҳисобланади. Айнан шу сабаб ҳам бўёқларнинг бир-бирига мос бўлишига эътибор қилинг.
Консилердан ортиқча фойдаланиш
Кўпчилик кўз остидаги «ҳалқа»ларни яшириш учун консилердан ҳаддан ортиқ фойдаланади. Юз рангидан яққол ажралиб қолиши эса сизни мафтункор кўрсатмаслиги аниқ. Меъёрни билинг ва консилердан номига фойдаланинг.
Фото: Cosmopolitan
Пастки киприкларга ҳаддан ортиқ туш суртиш
Пастки киприкларга туш суртиш кўзларни шаҳло ва катта кўрсатади. Аммо тушни тепа киприкларга суртганчалик миқдорда суртмаслик керак, акс ҳолда чарчагандек кўринишга эга бўлганингиз етмагандек кун давомида ортиқча туш суркалиб сизни тартибсиз кўринишингизга сабабчи бўлади.
Нотўғри танланган тональ крем
Тональ кремнинг нотўғри танланиши ёки юзга яхшилаб сингдирилмаслиги макияжнинг омадсиз чиқишига сабаб бўлади. Шу сабаб ҳам тери рангига мос, сифатли воситани танлаб, уни махсус чўтка билан обдон сингдиришга ҳаракат қилинг.
Фото: Cosmopolitan
Упадан ҳаддан ортиқ фойдаланиш
Упадан кўп миқдорда фойдаланиш юзга ун суртиб олгандек кўринишга сабаб бўлади. Шунинг учун уни номига суртиш ва ортиқчасини олиб ташлаш учун эса қуруқ салфеткадан фойдаланиш керак. Янада яхши туриши учун эса макияж спрейини сепиш тавсия қилинади.
