«Капиталбанк» АТБнинг корпоратив мижозлари энди хитойлик, япония ва қозоғистонлик ҳамкорлари билан ўзаро ҳисоб-китобларни ушбу мамлакатларнинг миллий валютасида амалга оширишлари мумкин.
Аввалроқ, «Капиталбанк» АТБ АҚШ доллари, евро, Россия рубли, Британия фунти ва Швейцария франкида конвертация ҳамда тўловларни амалга ошираётган эди. Эндиликда банк ташқи савдо шартномалари учун Хитой юанида, япон иенасида ва қозоқ тенгесида бевосита конвертация қилиш ҳамда тўловларни амалга оширишни бошлади. Бу импорт қилинадиган маҳсулотлар таннархини сезиларли даражада пасайтиришга ва бизнес географиясини кенгайтиришга имкон яратади.
«Биз юань, иена ва тенге валюталарини қўшиб, хорижий валюталар сонини саккизтага етказдик. Ушбу мамлакатлардаги ҳамкорлари билан ишлайдиган кўплаб маҳаллий тадбиркорлар икки маротаба конвертация қилиш учун ортиқча тўловларни амалга оширишга, солиқлар солинишида фоизлар йўқотишга, хорижий компаниялар халқаро валютада тўловни қабул қилишдан бош тортса, воситачилар топишга мажбур бўлар эдилар. Амалда, баъзан ортиқча тўлов 10-15 фоизга етарди. Бу омилларнинг барчаси импорт маҳсулотларининг якуний нархига таъсир қилар эди », — дея тушунтирди «Капиталбанк» АТБ корпоратив бизнес департаменти директори Озод Каримов.
Бугунги кунда «Капиталбанк» АТБ ташқи савдо шартномалари бўйича бевосита конвертация ва тўловларни қуйидаги саккизта валютада амалга оширмоқда:
- АҚШ доллари
- евро
- Россия рубли
- Британия фунти
- Швейцария франки
- Хитой юани
- япон иенаси
- қозоқ тенгеси
Конвертация қилиш шартлари ҳақида қуйидаги телефон рақами орқали батафсил маълумот олиш мумкин: +99878 148 40 08
Реклама ҳуқуқи асосида.