Бизнинг Tok Bor компаниямиз Ўзбекистон учун ноёб лойиҳани амалга оширди. Tok Bor Pro қувватлаш мажмуаси бир нечта эксклюзив хусусиятлари билан ажралиб туради.
1. Бугунги кунда у бир вақтнинг ўзида, 104 киловатт-соат электр энергиясини ишлаб чиқаришга қодир бўлган, Ўзбекистондаги энг кучли қувватлаш мажмуасидир.
2. Ҳеч кимга сир эмаски, дунёда кўплаб, турли хил коннекторлар мавжуд бўлиб, Хитойда GB/T коннектори маҳаллий стандарт ҳисобланади. АҚШ ва Японияда энг кенг тарқалгани Chademo, Европада Type 2 ва CCS Combo 2, Tesla компанияси эса умуман ўзининг коннекторларини ишлаб чиққан. Ушбу минтақалардаги электромобиллар маҳаллий стандартларга мос келиши керак, аммо Ўзбекистонга, географик жойлашуви туфайли ҳамда мамлакатда қувватловчи инфратузилманинг мавжуд эмаслиги сабабли, электромобиллар дунёнинг барча ҳудудларидан олиб келинади. Шунинг учун дунёда мавжуд қувватлаш мажмуаларининг ҳеч бири барча электромобиль эгаларининг талабларини бирдек қондира олмайди. Шу сабабли, бизнинг компаниямиз Европанинг етакчи ишлаб чиқарувчиси билан биргаликда ҳам тезлаштирилган, ҳам тезкор қувватлаш учун мамлакатимиздаги барча кенг тарқалган коннекторларни ўзида мужассам этган, универсал қувватлаш станциясини ишлаб чиқиш устида бир йилдан ортиқ вақт давомида ишлади.
3. Tok Bor Pro қувватлаш станциясида бир вақтнинг ўзида учта электромобиль қувватланиши мумкин.
4. Ушбу қувватлаш мажмуасининг энг муҳим хусусияти, унинг 100 фоиз экологик тоза эканлигидир. Чунки у Бўрижар ГЭСидан ҳақиқий қайта тикланадиган энергия билан таъминланади.
Tokbor.uz — бу Ўзбекистонда электр транспорти учун қувватлаш инфратузилмасини яратиш лойиҳаси. Автомобиль эгалари ўз электр транспортини тез ва қулай шароитда қувватлаб, ўз йўлида давом этиш имкониятига эга бўлиши керак.
Айнан шунинг учун биз қувватлаш станцияларини ишлаб чиқиш билан бир вақтда, Европа дастурий таъминотини сотиб олиш, уни ўзбек тилига таржима қилиш, маҳаллий тўлов тизимлари билан уйғунлаштириш ва бошқа ишларни олиб бордик.
Энди фойдаланувчилар иловани тез кунда ўз смартфонларига юклаб олиши ва ундан рўйхатдан ўтишлари билан, реал вақт режимида Ўзбекистондаги барча ёқилғи қуйиш шохобчаларининг жойлашувини, қизиқтирган портларнинг банд ёки бўш ҳолатини кузатиб туришлари ва ҳатто масофадан туриб уларни банд қилишлари мумкин бўлади.
Шуни айтиш жоизки, бир ойнинг ўзидаёқ Tok Bor қувватлаш станцияси билан Amirsoy Mountain Resort жаҳон даражасидаги барча мавсумли тоғ-чанғи курорти, пойтахтдаги «Анҳор-Локомотив» парки ва «Ўзбекнефтгаз» миллий ёқилғи қуйиш тармоғининг иккита шохобчаси жиҳозланди. Бундан ташқари, Ўзбекистондаги энг йирик Makro супермаркетлар тармоғининг 20 та филиали учун станциялар олиб келинди.
Шу билан бирга, бизнинг компаниямиз ҳамкорлар билан ишлашга тайёр. Ўзининг жойлашган манзилларида электромобиллар учун қувватлаш станцияларининг тармоғини яратмоқчи бўлган ҳар қандай йирик компания бизнинг ҳамкоримиз бўлиши мумкин.
Электр станцияларига сармоя икки карра фойдали эканлигини тушунадиган компания! Ахир сиз нафақат атроф-муҳитни яхшилашга улкан ҳисса қўшасиз, балки кейинги ўн йилликлар давомида доимий ва борган сари кўпайиб борадиган даромадга эга бўласиз!
Мурожаат учун: +99878 777 77 87
Instagram: tokbor.uz
Реклама ҳуқуқи асосида.
Изоҳ (0)