Бугун,

  • USD 11014.01
  • RUB 191.8
  • EUR 10674.78

Илҳом Сапаров Сурхондарё вилояти ҳокимининг ёшлар сиёсати, ижтимоий ривожлантириш ва маънавий-маърифий ишлари бўйича ўринбосари этиб тайинланди, деб хабар беради ЎзА.

Фото: ЎзА

Фото: ЎзА

Илҳом Сапаров 1975 йил Термиз туманида туғилган. 2002 йил Термиз давлат университетининг бакалавр, 2011 йил магистр йўналишларини тугатган. Мутахассислиги бўйича ўқитувчи.

Сапаров меҳнат фаолияти давомида Термиз пегагогика коллежи жисмоний тарбия ва биология фани ўқитувчиси, бўлим мудири, ишлаб чиқариш таълими бўйича директор ўринбосари вазифасини вақтинча бажарувчи, Термиз мактабгача таълим ва хизмат кўрсатиш касб-ҳунар коллежи ишлаб чиқариш таълими бўйича директор ўринбосари, Термиз банк коллежи директори, Термиз шаҳар халқ таълими бўлими мудири вазифаларида ишлаган. 2017 йилдан Сурхондарё вилояти ўрта махсус, касб-ҳунар таълими бошқармаси бошлиғи, 2018-2021 йилларда Сурхондарё вилояти халқ таълими бошқармаси бошлиғи лавозимларида меҳнат қилган.

Илҳом Сапаров тайинловга қадар Сурхондарё вилояти маданият бошқармаси бошлиғи вазифасида фаолият юритган.

Аввалроқ Ўзбекистон ёшлар иттифоқи раиси Сергели тумани ҳокимининг биринчи ўринбосари этиб тайинлангани, шунингдек, Тошкент вилояти ҳокимига янги ёрдамчи ва маслаҳатчи, вилоят ХТБ бошлиғи тайинлангани тўғрисида хабар берилганди.

Изоҳ
Асосий янгиликлар