Тошкентнинг Яккасарой туманидаги синтепон ишлаб чиқариш цехида ёнғин содир бўлди, деб хабар беради ФВВ матбуот хизмати.
Маълум қилинишича, 18 апрель куни соат 20:46 да туманнинг Қушбеги массивида жойлашган синтепон ишлаб чиқариш цехида ёнғин содир бўлгани тўғрисида хабар Фавқулодда вазиятлар вазирлигининг навбатчилик қисмига келиб тушган.
Воқеа жойига Тошкент шаҳар Фавқулодда вазиятлар бошқармасининг 10 га яқин ёнғин-қутқарув экипажлари етиб борган. Соат 21:21 да ёнғин қуршаб олиниб, 21:41 да тўлиқ ўчирилган. Ёнғин натижасида жабрланганлар йўқ.
Аввалроқ Сергелидаги полиэтилен маҳсулотларини ишлаб чиқарувчи корхонада йирик ёнғин содир бўлганди.
Изоҳ (0)