Ўзбекистон истеъмолчилар ҳуқуқларини ҳимоя қилиш жамиятлари федерацияси ходимлари томонидан жойларда ўсимлик ёғи нархларининг ошиб кетиши борасида мониторинг ишлари ўтказилди, деб хабар беради федерация матбуот хизмати.
Мониторинг натижасига кўра, вилоятлар сотилаётган ўсимлик ёғларининг нархига аниқлик киритилган. Хусусан:
- Қорақалпоғистон Республикасида — кунгабоқар ёғи – (1 литр) 18-21 минг, пахта ёғи – 13-18 минг сўм;
- Навоий вилоятида — 17-24 минг, 15-20 минг сўм;
- Қашқадарё вилояти — 18-20 минг, 17-20 минг сўм;
- Сурхондарё вилояти — 19-22 минг, 16-18 минг сўм;
- Жиззах вилояти — 19-21 минг, 15-19 минг сўм;
- Самарқанд вилояти — 18-26 минг, 14-22 минг сўм;
- Фарғона вилояти — 18,5-25 минг, 14-19 минг сўм;
- Наманган вилояти — 18-22 минг, 16,5-18 минг сўм;
- Андижон вилояти — 18-23 минг, 12-20 минг сўм;
- Бухоро вилояти — 17-22 минг, 18-23 минг сўм;
- Тошкент шаҳри — 18-22 минг, 16-20 минг сўм.
Аввалроқ Монополияга қарши курашиш қўмитаси ички бозорда ўсимлик ёғи нархлари кескин ошгани билан боғлиқ вазиятни таҳлил қилиш бўйича олиб борилган ўрганишлар натижасини эълон қилганди. Таъкидланишича, ички бозорларда нархлар кескин ўсишига ташқи жаҳон бозорларида нархлар ошиши ва ўтган ҳосил йилида етиштириш ҳажмлари нисбатан камроқ бўлиши муносабати билан асосий етказиб берувчилардан бўлган қўшни давлатларда кунгабоқар ёғи ва уруғи экспортига юқори божхона божлари белгиланиши тартиби муддати узайтирилиши ҳам таъсир этган.
Изоҳ (0)