Тошкентдаги Аҳмад Дониш кўчаси «кармашка» йўлларининг бир қисми 6 апрель куни автомобиль ҳаракати учун ёпилади

Тошкент шаҳри Юнусобод тумани Аҳмад Дониш кўчасининг иккиламчи йўллари таъмирлаш ишлари сабаб ёпилади, дея хабар қилмоқда шаҳар ҳокимлиги матбуот хизмати.

Таъкидланишича, 6 апрель куни қуйидаги йўл қисмлари ҳаракатланиш учун ёпилади:

• Аҳмад Дониш кўчасидаги иккиламчи йўл — КХАЙдан Боғиравон 2-тор кўчасигача;
• Аҳмад Дониш кўчасидаги иккиламчи йўл — Боғиравон 2-тор кўчасидан КХАЙгача.

Бундан аввал Тошкентдаги «Қўйлиқ» кўприги 20 апрелгача автомобиллар ҳаракати учун ёпилгани ҳақида хабар берилганди.