Британиялик қиз локдаун сабаб уч йил деганда сочларини ювишга мажбур бўлди

Британияда истиқомат қилувчи Мелани Ллевелин уч йилдан кўпроқ вақт бошини ювмаган. «Korrespondent.net»нинг ёзишича, қизнинг ҳар гал сочларини ювгандан кейин тарашга қийналгани бунга сабаб бўлган.

Сочларини тартибга келтириш учун кўп вақт, куч ва пул сарфлаганини таъкидлаган Мелани, ҳатто ёрдам учун профессионалларга мурожаат қилганини билдирган.

Ллевиннинг ҳисоб-китобига кўра, у сочи учун ойига 240 фунт стерлинг (330 доллар) умумий олганда эса 3000 фунт стерлингдан (4130 доллар) кўпроқ маблағ сарфлаган.

У харид қилган фен, теккислагич, зардоб ва шампунлар унинг сочларига зарар етказган. Бироз вақтдан кейин эксперимент қилиб кўришга қарор қилган Ллевелин, сочини парваришлайдиган гигиеник муолажаларни амалга оширмай қўйган.

Аввалига ўзини ғалати ҳис қилган қиз, бир ҳафтадан кейин ижобий натижага гувоҳ бўлган. Шахсий тажрибасидан келиб чиқиб Мелани сочлар ўзини-ўзи тиклаши ва янгиланиши мумкинлиги, шу сабаб ҳам ювишга ҳожат йўқлигини билдирган. Шунга қарамай, қиз сартарошларга ювилмаган сочларини махсус янгиловчи турмак қилдириш учун мурожаат қилиб турган.

Карантин ва Британиядаги локдаун эса қизни уй шароитида сочларини ювишга мажбур қилган. Бунга сартарошхоналарнинг ёпиқ экани ҳамда махсус воситалар билан ишлов берадиган профессионалларга мурожаат қила олмагани сабаб бўлган.